Autograph: 10 ವರ್ಷ ಕಾದು ರೋಹಿತ್‌ ಶರ್ಮ ಹಸ್ತಾಕ್ಷರ ಪಡೆದ ಅಭಿಮಾನಿ!

ಕ್ಯಾನ್‌ಬೆರಾ: ಕಳೆದ 10 ವರ್ಷಗಳಿಂದ ರೋಹಿತ್‌ ಶರ್ಮ ಅವರ ಹಸ್ತಾಕ್ಷರ ಪಡೆಯಬೇಕೆಂಬ ಅಭಿಮಾನಿಯ ಕನಸೊಂದು ಕ್ಯಾನ್‌ಬೆರಾ ಅಭ್ಯಾಸ ಪಂದ್ಯದ ವೇಳೆ ನನಸಾಗಿದೆ.

“ರೋಹಿತ್‌ ಭಾಯ್‌ ಪ್ಲೀಸ್‌, ದಸ್‌ ಸಾಲ್‌ ಹೋ ಗಯೇ ಯಾರ್‌. ರೋಹಿತ್‌ ಭಾಯ್‌ ಮುಂಬೈ ಚಾ ರಾಜಾ’ (10 ವರ್ಷಗಳಿಂದ ಕಾಯುತ್ತಿದ್ದೇನೆ, ರೋಹಿತ್‌ ಮುಂಬಯಿಯ ರಾಜ) ಎಂದು ಬರೆದ ಪ್ಲೆಕಾರ್ಡ್‌ ಹಿಡಿದು ನಿಂತಿದ್ದ ಅಭಿಮಾನಿಯನ್ನು ಬಿಸಿಸಿಐ ಕೂಡ ಗಮನಿಸಿತ್ತು. ಬಳಿಕ ಆ ಅಭಿಮಾನಿಯ ಬ್ಯಾಟ್‌ ಮತ್ತು ಜೆರ್ಸಿ ಮೇಲೆ ರೋಹಿತ್‌ ಶರ್ಮ ಹಸ್ತಾಕ್ಷರ ಹಾಕುತ್ತಿದ್ದ ದೃಶ್ಯಾವಳಿಯ ವೀಡಿಯೋವನ್ನು ಬಿಸಿಸಿಐ ಬಿಡುಗಡೆ ಮಾಡಿದೆ.