Advertisement

ಅಗಸ್ಟಾ ಹೆಲಿಕಾಪ್ಟರ್‌ ಡೀಲ್‌: ED ಯಿಂದ ಕ್ರಿಶ್ಚಿಯನ್‌ ಮೈಕೆಲ್‌ ಬಂಧನ

03:53 PM Dec 22, 2018 | udayavani editorial |

ಹೊಸದಿಲ್ಲಿ : ಅಗಸ್ಟಾ  ವೆಸ್ಟ್‌ ಲ್ಯಾಂಡ್‌ ವಿವಿಐಪಿ ಹೆಲಿಕಾಪ್ಟರ್‌ ಡೀಲ್‌ನಲಿ ಮಧ್ಯವರ್ತಿಯಾಗಿ ಲಂಚ ಪಡೆದ ಆರೋಪಕ್ಕೆ ಗುರಿಯಾಗಿ ಯುಎಇಯಿಂದ ಭಾರತಕ್ಕೆ ಗಡೀಪಾರುಗೊಂಡಿರುವ ಕ್ರಿಶ್ಚಿಯನ್‌ ಮೈಕೆಲ್‌ ನನ್ನು  ಜಾರಿ ನಿರ್ದೇಶನಾಲಯ ಇಂದು ಶನಿವಾರ ಬಂಧಿಸಿದೆ. ಇದಕ್ಕೆ ಮೊದಲು ಮೈಕೆ‌ಲ್‌ ನನ್ನು ದಿಲ್ಲಿ ಕೋರ್ಟಿನಲ್ಲಿ ಹಾಜರುಪಡಿಸಲಾಗಿತ್ತು.

Advertisement

ಮೈಕೆಲ್‌ ನನ್ನು  ಹಾಜರುಪಡಿಸಲಾಗಿದ್ದ ವಿಶೇಷ ನ್ಯಾಯಾಧೀಶ ಅರವಿಂದ ಕುಮಾರ್‌ ಅವರಲ್ಲಿ ಜಾರಿ ನಿರ್ದೇಶನಾಲಯ ತನಗೆ ಮೈಕೆಲ್‌ ನನ್ನು ಪ್ರಶ್ನಿಸಲು ಆತನನ್ನು  15 ದಿನಗಳ ಅವಧಿಗೆ ಕಸ್ಟಡಿಗೆ ಕೊಡಬೇಕೆಂದು ಕೇಳಿಕೊಂಡಿತ್ತು. ಆ ಪ್ರಕಾರ ನ್ಯಾಯಾಧೀಶರು ED ಕೋರಿಕೆಯನ್ನು ಮನ್ನಿಸಿದರು. 

ಮೈಕೆಲ್‌ ಅವರನ್ನು ಕಳೆದ ಡಿ.4ರಂದು ಯುಎಇ ಯಿಂದ ಭಾರತಕ್ಕೆ ಗಡೀಪಾರು ಮಾಡಿತ್ತು. ಮರುದಿನವೇ ಆತನನನ್ನು ಕೋರ್ಟಿಗೆ ಹಾಜರು ಪಡಿಸಲಾಗಿ ಸಿಬಿಐ ನಿಂದ ಪ್ರಶ್ನಿಸಲ್ಪಡುವುದಕ್ಕಾಗಿ ಐದು ದಿನಗಳ ಕಸ್ಟಡಿಗೆ ಒಪ್ಪಿಸಲಾಗಿತ್ತು. ಅದಾಗಿ ಮತ್ತೆ ಆತನ ಕಸ್ಟಡಿ ಮತ್ತೆ ಐದು ದಿನಗಳ ಅವಧಿಗೆ ವಿಸ್ತರಿಸಿತ್ತು.  

ಮೈಕೆಲ್‌ನ ಜಾಮೀನು ಅರ್ಜಿಯ ಮೇಲಿನ ಆದೇಶವನ್ನು ಕೋರ್ಟ್‌ ಡಿ.19ಕ್ಕೆ ಕಾಯ್ದಿರಿಸಿ, ಡಿ.28ರ ತನಕದ ಅವಧಿಗೆ ಆತನನ್ನು ನ್ಯಾಯಾಂಗ ಕಸ್ಟಡಿಗೆ ಒಪ್ಪಿಸಿತ್ತು. 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next