ರಾಷ್ಟ್ರೀಕೃತ ಬ್ಯಾಂಕ್‌ಗಳ ಆಡಿಟ್‌ ಪರಿಶೀಲನೆ

ನವದೆಹಲಿ: ರಾಷ್ಟ್ರೀಕೃತ ಬ್ಯಾಂಕ್‌ಗಳಲ್ಲಿ ನಡೆದಿರಬಹುದಾದ ಮೋಸದ ಪ್ರಕರಣಗಳನ್ನು ಗುರುತಿಸಿ ಸೂಕ್ತ ಸಲಹೆಯನ್ನು ನೀಡುವ ನಿಟ್ಟಿನಲ್ಲಿ ಕೇಂದ್ರೀಯ ವಿಚಕ್ಷಣಾ ಆಯೋಗ (ಸಿವಿಸಿ) ಈಗ ಆಡಿಟ್‌ ವರದಿಗಳನ್ನು ಪರಿಶೀಲನೆ ನಡೆಸಲು ನಿರ್ಧರಿಸಿದೆ. 

ಹಲವು ಬ್ಯಾಂಕ್‌ಗಳು ದೊಡ್ಡ ಮಟ್ಟದ ವಂಚನೆ ಪ್ರಕರಣಗಳನ್ನು ವರದಿ ಮಾಡುತ್ತಿರುವುದು ಮತ್ತು ಮರುಪಾವತಿಯಾಗದ ಸಾಲದ ಹೊರೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸಿವಿಸಿ ಕೈಗೊಂಡಿ ರುವ ಈ ಕ್ರಮ ಮಹತ್ವದ್ದಾಗಿದೆ. 2017-18 ರಲ್ಲಿ 8802 ವಂಚನೆ ಪ್ರಕರಣಗಳನ್ನು ಖಾಸಗಿ ಮತ್ತು ರಾಷ್ಟ್ರೀಕೃತ ಬ್ಯಾಂಕ್‌ಗಳು ವರದಿ ಮಾಡಿವೆ. 

2016-17ರಲ್ಲಿ 7794, 2015-16 ರಲ್ಲಿ 7482 ಮೋಸದ ಪ್ರಕರಣ ಗಳು ದಾಖಲಾಗಿವೆ. ರಾಷ್ಟ್ರೀಕೃತ ಬ್ಯಾಂಕ್‌ ಮತ್ತು ವಿಮೆ ಕಂಪನಿಗಳ ಆಡಿಟ್‌ ವರದಿಯನ್ನೂ ಸಿವಿಸಿ ಪರಿಶೀಲಿಸಲಿದೆ.

ಅಕ್ಟೋಬರ್‌ನಲ್ಲಿ ಇಂತಹ 100 ಪ್ರಕರಣಗಳ ವಿಶ್ಲೇಷಣೆ ಯನ್ನು ಸಿವಿಸಿ ಪೂರೈಸಿ, ಆರ್‌ಬಿಐ, ಜಾರಿ ನಿರ್ದೇಶನಾಲಯ ಮತ್ತು ಸಿಬಿ ಐಗೆ ಸಲ್ಲಿಸಿದೆ. ಆಭರಣ, ವೈಮಾನಿಕ ವಲಯ ಸೇರಿ ದಂತೆ ಹಲವು ಕ್ಷೇತ್ರದ ಪ್ರಕರಣಗಳು ಇದರಲ್ಲಿದ್ದವು. ನಡೆದ ಮೋಸದ ರೀತಿ, ಮೊತ್ತ, ಸಾಲದ ವಿಧ ಸೇರಿದಂತೆ ಹಲವು ಅಂಶಗಳ ಮೇಲೆ ಇದು ಕೇಂದ್ರೀಕರಿಸಿತ್ತು.