Advertisement
ಅಚ್ಚರಿಯೆಂದರೆ ರಾಜ್ಯದ ಅತ್ಯಂತ ಖ್ಯಾತ ಕ್ರಿಕೆಟಿಗರನ್ನು ಕೊಳ್ಳಲು ಫ್ರಾಂಚೈಸಿ ಗಳು ಹಿಂದೆ ಮುಂದೆ ನೋಡಿದ್ದು! ಪ್ರಮುಖ ಆಟಗಾರರು ರಾಷ್ಟ್ರೀಯ ತಂಡ, ಎ ತಂಡ, ದುಲೀಪ್‌ ಟ್ರೋಫಿಯಲ್ಲಿ ಆಡುವುದು ಖಚಿತಗೊಂಡಿರುವುದರಿಂದ ಫ್ರಾಂಚೈಸಿಗಳು ಈ ಆಟಗಾರರನ್ನು ಆಯ್ಕೆ ಮಾಡಿಕೊಂಡು ಕೈಸುಟ್ಟುಕೊಳ್ಳಲು ಸಿದ್ಧವಿಲ್ಲ ಎಂಬ ಸಂದೇಶ ರವಾನಿಸಿದವು.
ಮತ್ತೂಬ್ಬ ಆಟಗಾರ ಅನಿರುದ್ಧ ಜೋಶಿ. ಇವರು ಕೂಡ ಆಲ್‌ರೌಂಡರ್‌ ಆಗಿ ಹೆಸರು ಮಾಡಿದ್ದಾರೆ. ಇವರನ್ನು ಮೈಸೂರು ವಾರಿಯರ್ಸ್‌ ತಂಡ 7.10 ಲಕ್ಷ ರೂ. ನೀಡಿ ಖರೀದಿಸಿತು. ಇದು ಈ ಕೆಪಿಎಲ್‌ನಲ್ಲಿ ದಾಖಲಾದ 2ನೇ ಗರಿಷ್ಠ ಹರಾಜು ಮೊತ್ತ.
Related Articles
ಭಾರತ ರಾಷ್ಟ್ರೀಯ ತಂಡದಲ್ಲಿ ಆಡಲು ಅವಕಾಶ ಪಡೆದಿರುವ ಮನೀಷ್‌ ಪಾಂಡೆ ಆರಂಭಿಕ ಸುತ್ತಿನಲ್ಲಿ ಮಾರಾಟವಾಗಲಿಲ್ಲ. ಆದರೆ ಅವರು ಆ.15ರ ವೇಳೆ ರಾಜ್ಯಕ್ಕೆ ಮರಳುವ ಭರವಸೆಯಿರುವುದರಿಂದ 2ನೇ ಸುತ್ತಿನಲ್ಲಿ ಬೆಳಗಾವಿ ಪ್ಯಾಂಥರ್ಸ್‌ 2 ಲಕ್ಷ ರೂ. ನೀಡಿ ಖರೀದಿಸಿತು.
Advertisement
ಮಾರಾಟವಾಗದವರುಪ್ರಮುಖ ಆಟಗಾರರಾದ ಕರುಣ್‌ ನಾಯರ್‌, ಶ್ರೇಯಸ್‌ ಗೋಪಾಲ್‌, ರೋನಿತ್‌ ಮೋರೆ ಮಾರಾಟವಾಗಲಿಲ್ಲ. ಈ ಆಟಗಾರರು ದುಲೀಪ್‌ ಟ್ರೋಫಿಯಲ್ಲಿ ಕಾಣಿಸಿಕೊಳ್ಳುವುದು ಖಚಿತವಾಗಿರುವುದರಿಂದ ಫ್ರಾಂಚೈಸಿಗಳು ಜವಾಬ್ದಾರಿ ತೆಗೆದುಕೊಳ್ಳಲು ಬಯಸಲಿಲ್ಲ. ಗರಿಷ್ಠ ಮೊತ್ತ ಪಡೆದವರು (ಲಕ್ಷ ರೂ.ಗಳಲ್ಲಿ)
1. ಪವನ್‌ ದೇಶಪಾಂಡೆ-7.30 (ಶಿವಮೊಗ್ಗ ಲಯನ್ಸ್‌)
2. ಅನಿರುದ್ಧ ಜೋಶಿ -7.10 (ಮೈಸೂರು ವಾರಿಯರ್ಸ್‌)
3. ಪ್ರಸಿದ್ಧ ಕೃಷ್ಣ-5.80 (ಬಳ್ಳಾರಿ ಟಸ್ಕರ್ಸ್‌)
4. ಮೊಹಮ್ಮದ್‌ ತಾಹಾ-5.70 (ಹುಬ್ಬಳ್ಳಿ ಟೈಗರ್ಸ್‌)
5. ಅಮಿತ್‌ ವರ್ಮ-5.20 (ಮೈಸೂರು ವಾರಿಯರ್ಸ್‌)