ನಿತ್ಯಭವಿಷ್ಯ: ಈ ರಾಶಿಯ ನಿರುದ್ಯೋಗಿಗಳಿಗೆ ಸಂತಸದ ಸುದ್ದಿ, ಅಚ್ಚರಿಯ ಬೆಳವಣಿಗೆ !

ಮೇಷ: ಶುಭಕಾರ್ಯಗಳಿಗೆ ವಿಘ್ನ ಭೀತಿ ತಂದರೂ ಆತ್ಮವಿಶ್ವಾಸ ಹಾಗೂ ಪ್ರಯತ್ನಬಲದಿಂದ ಕಾರ್ಯಸಿದ್ಧಿಯಾಗಲಿದೆ. ಬ್ಯಾಂಕ್‌, ವಿತ್ತಖಾತೆಗೆ ಸಂಬಂಧಪಟ್ಟ ಕಾರ್ಯಗಳು ಸಫ‌ಲತೆಯನ್ನು ಪಡೆಯಲಿದೆ. ಮುನ್ನಡೆಯಿರಿ.

ವೃಷಭ: ಸಾಂಸಾರಿಕವಾಗಿ ಅನಗತ್ಯ ವಿವಾದವೊಂದು ಎದುರಾಗಲಿರುವ ಸಾಧ್ಯತೆ ಇರುತ್ತದೆ. ಕಿರು ಪ್ರಯಾಣದ ಅವಕಾಶದಿಂದ ಕಾರ್ಯಸಿದ್ಧಿಯಾಗಲಿದೆ. ವಿದ್ಯಾಭ್ಯಾಸದಲ್ಲಿ ಹೆಚ್ಚಿನ ಶ್ರದ್ಧೆ ವಹಿಸಬೇಕಾಗುತ್ತದೆ. ಉತ್ತಮ ಫ‌ಲಿತಾಂಶವಿದೆ.

ಮಿಥುನ: ಆತ್ಮೀಯರ ಅನಾರೋಗ್ಯ ನಿಮಿತ್ತ ಆಸ್ಪತ್ರೆ ಸಂದರ್ಶನದ ಸಿದ್ಧತೆ ಇರುತ್ತದೆ. ಹಂತಹಂತವಾಗಿ ಆರೋಗ್ಯವೃದ್ಧಿ ಇದೆ. ಧನಪ್ರಾಪ್ತಿ, ಭೂಸಂಪತ್ತಿನ ಅಭಿವೃದ್ಧಿ ಕಾರ್ಯ ಜಯ, ಲಾಭಾದಿಗಳು ಉಂಟಾಗುವವು. ಶುಭವಿದೆ.

ಕರ್ಕ: ಒಂದೆಡೆ ಅಧಿಕ ರೀತಿಯಲ್ಲಿ ಖರ್ಚುವೆಚ್ಚಗಳಾದರೂ ಇನ್ನೊಂದೆಡೆಯಿಂದ ಉತ್ತಮ ಧನಾಗಮನವಿರುತ್ತದೆ. ಯತ್ನಿಸಿದ ಕಾರ್ಯದಲ್ಲಿ ಯಶಸ್ಸು ಕಂಡುಬರುವುದು. ಆರ್ಥಿಕ ಸ್ಥಿತಿಯಲ್ಲಿ ಸುಧಾರಣೆ ಇರುತ್ತದೆ.

 ಸಿಂಹ: ರಾಜಕೀಯ ವರ್ಗದವರಿಗೆ ಅಧಿಕಾರದ ಉಳಿವಿಗಾಗಿ ಹೋರಾಟದ ಅನಿವಾರ್ಯತೆ ಕಂಡು ಬರಲಿದೆ. ವೃತ್ತಿರಂಗದಲ್ಲಿ ಪರಿಸ್ಥಿತಿಗೆ ಅನುಗುಣವಾಗಿ ವರ್ತಿಸಬೇಕಾದ ಸಂದಿಗ್ಧತೆ ಕಂಡುಬರುವುದು. ಕಿರುಸಂಚಾರವಿದೆ.

ಕನ್ಯಾ: ವೃತ್ತಿರಂಗದಲ್ಲಿ ಹಿರಿಯ ಅಧಿಕಾರಿ ವರ್ಗದವರಿಂದ ಕಿರುಕುಳವು ಕಂಡುಬರುವುದು. ದೈಹಿಕ ಶ್ರಮದ ಕಾರ್ಯ, ದುಡುಕು ವರ್ತನೆಯಿಂದ ಮುಖಭಂಗದ ಪ್ರಸಂಗವಿರುತ್ತದೆ. ಸಹೋದ್ಯೋಗಿಗಳೊಂದಿಗೆ ಪ್ರೀತಿಯಿಂದ ವ್ಯವಹರಿಸಿ.

ತುಲಾ: ಸಾಂಸಾರಿಕವಾಗಿ ನೆಮ್ಮದಿ ಇದ್ದರೂ ಮಕ್ಕಳಿಂದ ಕಿರಿಕಿರಿ ತಪ್ಪದು. ಆರ್ಥಿಕವಾಗಿ ಅನಿರೀಕ್ಷಿತವಾಗಿ ಒದಗಿ ಬರುವ ನೆರವು ನೆಮ್ಮದಿ ನೀಡಲಿದೆ. ಆಗಾಗ ವ್ಯಾಪಾರ, ವ್ಯವಹಾರದಲ್ಲಿ ಏರುಪೇರು ಕಂಡುಬಂದರೂ ಸುಧಾರಿಸಬಹುದು.

ವೃಶ್ಚಿಕ: ವೃತ್ತಿರಂಗದಲ್ಲಿ ನಿರೀಕ್ಷಿತ ಬಾಹ್ಯ ನೆರವು ಲಭಿಸಲಿದೆ. ಕುಟುಂಬದಲ್ಲಿ ಶುಭಮಂಗಲ ಕಾರ್ಯಕ್ಕೆ ಸಂಬಂಧಪಟ್ಟ ಚಟುವಟಿಕೆಗಳಿಂದ ಸಂಭ್ರಮಿಸುವಂತಾದೀತು. ಆಪ್ತವಲಯದಲ್ಲಿ ಮಾನ್ಯತೆಯು ಲಭಿಸಲಿದೆ.

ಧನು: ಋಣ ಪರಿಹಾರಾರ್ಥ ಆರ್ಥಿಕ ಪ್ರಗತಿಪರ ಕಾರ್ಯಗಳ ಪ್ರಯತ್ನ ನಡೆಯಲಿದೆ. ಆತ್ಮೀಯರಿಂದ ನಿರುದ್ಯೋಗಿಗಳಿಗೆ ಉದ್ಯೋಗ ಪ್ರಾಪ್ತಿಯಾಗಲಿದೆ. ಭೂ ವ್ಯವಹಾರ ಕೆಲವೊಂದು ಸರಕಾರಿ ಕೆಲಸಕಾರ್ಯಗಳು ನಡೆಯಲಿದೆ.

ಮಕರ: ಕೌಟುಂಬಿಕ ಪೀಡೆ, ಮನೋವ್ಯಾಕುಲತೆ, ಚಿಂತೆ, ಬಂಧುಮಿತ್ರರೊಂದಿಗೆ ಮಾತು, ಕಲಹ, ಭಿನ್ನಾಭಿಪ್ರಾಯ ಗಳಿಂದ ಅಹಿತಕರ ವಾತಾವರಣದಿಂದ ಕ್ಲೇಶ ತಂದೀತು. ಉದ್ಯೋಗ, ವ್ಯವಹಾರಲ್ಲಿಯೂ ಕಿರಿಕಿರಿ ಇರುವುದು.

ಕುಂಭ: ಹೊರಗಿನ ವ್ಯವಹಾರಗಳಲ್ಲಿ ಮುನ್ನಡೆ, ವಾಹನ ಸುಖ, ಕೆಲವೊಂದು ಕಾರ್ಯಗಳಲ್ಲಿ ಜಯಲಾಭಾದಿಗಳಿವೆ. ಆರ್ಥಿಕವಾಗಿ ಋಣಬಾಧೆ ಹಂತಹಂತವಾಗಿ ನಿವಾರಣೆ ಯಾಗುವುದು. ಉತ್ತಮ ಅಭಿವೃದ್ಧಿಗಾಗಿ ಕಾದು ನೋಡಿರಿ.

ಮೀನ: ನಿರುದ್ಯೋಗಿಗಳಿಗೆ ತಪ್ಪಿದ ಅವಕಾಶಗಳು ಪುನಃಹ ಲಭಿಸಲಿವೆ. ವೃತ್ತಿರಂಗದಲ್ಲಿ ಅಚ್ಚರಿಯ ಬೆಳವಣಿಗೆ  ಇರುತ್ತದೆ. ಆತ್ಮೀಯರ ಆಕಸ್ಮಿಕ ಮಿಲನದಿಂದ ಸಂತಸವಾದೀತು. ವಿಲಾಸ, ಜನಪ್ರಿಯತೆ ಇತ್ಯಾದಿಗಳಿರುತ್ತದೆ.