ಸರ್ಕಾರಿ ಬಸ್‌ನಲ್ಲೇ ಅಪ್ರಾಪ್ತ ವಯಸ್ಕಳ ಮೇಲೆ ಸಿಬಂದಿಗಳ ರೇಪ್‌ ಯತ್ನ

ಉಡುಪಿ: ಅಪ್ರಾಪ್ತ  ವಯಸ್ಕಳ ಮೇಲೆ  ಮೂವರು ಕೆಎಸ್‌ಆರ್‌ಟಿಸಿ ಸಿಬಂದಿಗಳು ಚಲಿಸುತ್ತಿರುವ ಬಸ್‌ನಲ್ಲೇ ಲೈಂಗಿಕ  ಕಿರುಕುಳ ನೀಡಿದ ಘಟನೆ ರಾಣೆಬೆನ್ನೂರಿನಲ್ಲಿ ಜುಲೈ 5ರಂದು ನಡೆದಿದೆ.

ಮಣಿಪಾಲದಲ್ಲಿ  ಕೆಲಸ ಮಾಡಿಕೊಂಡಿದ್ದ ತರುಣಿ  ಹಾವೇರಿಗೆ ಹೋಗಿದ್ದು, ಅಲ್ಲಿಂದ ವಾಪಸ್‌ ಬರುತ್ತಿದ್ದ ಸಂದರ್ಭದಲ್ಲಿ ಬಸ್‌ ಸಿಬಂದಿಯೇ ಈ ನೀಚ ಕೃತ್ಯ ಎಸಗಿದ್ದಾರೆ.

ಮಾನಸಿಕವಾಗಿ ಮನನೊಂದ ಯುವತಿ ಘಟನೆ ನಡೆದು 5 ದಿನಗಳ ಬಳಿಕ ಉಡುಪಿ ನಗರ ಮಹಿಳಾ ಠಾಣೆಯಲ್ಲಿ ದೂರು  ನೀಡಿದ್ದಾಳೆ. 

ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಕ್ಷಿಪ್ರ ಕಾರ್ಯಾಚರಣೆ ನಡೆಸಿ  ಮೂವರು ಆರೋಪಿಗಳನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.