Anekal: ರೌಡಿಶೀಟರ್‌ ಮೇಲೆ ಮಾರಕಾಸ್ತ್ರಗಳಿಂದ ದಾಳಿ

ಆನೇಕಲ್‌: ರೌಡಿ ಶೀಟರ್‌ ಮೇಲೆ ಎರಡು ವಾಹನಗಳಲ್ಲಿ ಬಂದ ಗುಂಪು ಸಿನಿಮೀಯ ರೀತಿಯಲ್ಲಿ ದಾಳಿ ನಡೆಸಿರುವ ಘಟನೆ ಸೋಮವಾರ ತಡರಾತ್ರಿ ಹಾರಗದ್ದೆ ಬಳಿ ನಡೆದಿದೆ.

ವಾಹನ ಬಿಟ್ಟು ಪರಾರಿ: ರೌಡಿ ಶೀಟರ್‌ ಮನು ಮೇಲೆ ದಾಳಿ ನಡೆದಿದೆ ಎಂದು ಶಂಕಿಸಲಾಗಿದೆ. ಮನು ಇನೋ ವಾ ಕ್ರಿಸ್ಟಾ ವಾಹನದಲ್ಲಿ ಆನೇಕಲ್‌ ಕಡೆ ಹೋಗುವಾಗ ಮತ್ತೂಂದು ಗುಂಪು ಮತ್ತೆರಡು ವಾಹನಗಳಲ್ಲಿ ಆಗಮಿಸಿ ಮಾರಕಾಸ್ತ್ರಗಳಿಂದ ದಾಳಿ ನಡೆಸಿದೆ. ಆದರೆ, ಮನು ಸಿನಿಮೀಯ ರೀತಿಯಲ್ಲಿ ಪರಾರಿಯಾಗಿದ್ದಾರೆ. ಈ ವೇಳೆ, ಹಲ್ಲೆ ನಡೆಸಿದವರೂ ವಾಹನಗಳನ್ನು ಬಿಟ್ಟು ಪರಾರಿಯಾಗಿದ್ದಾರೆ.

ಪೊಲೀಸರ ಭೇಟಿ: ಇಪ್ಪತ್ತಕ್ಕೂ ಅಧಿಕ ಮಂದಿ ಲಾಂಗ್‌, ಮಚ್ಚುಗಳನ್ನು ಹಿಡಿದು ದಾಳಿ ನಡೆಸಿದ್ದು ಸ್ಕಾರ್ಪಿಯೋ ಕಾರನ್ನು ಹಿಂದೆಯಿಂದ ಡಿಕ್ಕಿ ಹೊಡೆಸಿದರು. ಈ ವೇಳೆ, ಸಿನಿಮೀಯ ರೀತಿಯಲ್ಲಿ ಅರ್ಧ ಕಿ.ಮೀ. ಹಿಂದಕ್ಕೆ ಕಾರು ಚಲಾಯಿಸಿ ಮನು ಪರಾರಿ ಆಗಿದ್ದಾರೆ. ಈ ಮಧ್ಯೆ ಸುಮಾರು ದೂರ ಲಾಂಗ್‌ ಮಚ್ಚುಗಳಿಂದ ಕಾರನ್ನು ಹಿಂಬಾಲಿಸಿದ ಗ್ಯಾಂಗ್‌ ಟಾರ್ಗೆಟ್‌ ಮಿಸ್‌ ಆಗುತ್ತಿದ್ದಂತೆ ಸ್ಕಾರ್ಪಿಯೋ ಕಾರು ಬಿಟ್ಟು ಟಾಟಾ ಸಫಾರಿ ಕಾರಿನಲ್ಲಿ ಪರಾರಿ ಆಗಿದ್ದಾರೆ.

ಈ ಸಂಬಂಧ ಸ್ಥಳಕ್ಕೆ ಆನೇಕಲ್‌ ಉಪವಿಭಾಗದ ಡಿವೈಎಸ್ಪಿ ಮೋಹನ್‌ ಕುಮಾರ್‌ ಭೇಟಿ ಜಿಗಣಿ ಪೊಲೀಸರಿಂದ ಕ್ರೇನ್‌ ಮೂಲಕ ಎರಡು ಕಾರುಗಳನ್ನು ತೆರವುಗೊಳಿಸಿದರು.