ಅಸ್ಸಾಂನ ಬರಾಕ್‌ ನದಿ ಕಣಿವೆಯಲ್ಲಿ ಮತ್ತೊಂದು ಅಭಯಾರಣ್ಯ ನಿರ್ಮಾಣಕ್ಕೆ ಅನುಮೋದನೆ

ಗುವಾಹಟಿ: ಅಸ್ಸಾಂನ ಬರಾಕ್‌ ನದಿ ಕಣಿವೆಯಲ್ಲಿ ಎರಡನೇ ಅಭಯಾರಣ್ಯ ನಿರ್ಮಾಣಕ್ಕೆ ರಾಜ್ಯಪಾಲರಾದ ಜಗದೀಶ್‌ ಮುಖಿ ಅನುಮೋದನೆ ಕೊಟ್ಟಿದ್ದಾರೆ.

“ಬರಾಕ್‌ ಭುಬನ್‌ ವನ್ಯಜೀವಿ ಅಭಯಾರಣ್ಯ’ವು ಶೀಘ್ರದಲ್ಲಿ ನಿರ್ಮಾಣವಾಗಲಿದೆ. ಬರಾಕ್‌ ನದಿ ಮತ್ತು ಸೊನಾಯ್‌ ನದಿ ನಡುವಿನ ಸುಮಾರು 320 ಚದರ ಕಿ.ಮೀ. ಪ್ರದೇಶದಲ್ಲಿ ಈ ಅಭಯಾರಣ್ಯ ನಿರ್ಮಾಣವಾಗಲಿದೆ.

ಈ ಪ್ರದೇಶದಲ್ಲಿ ಹಲವಾರು ರೀತಿಯ ಮಂಗಗಳು ಮತ್ತು ಕಾಡುಪಾಪಗಳು ವಾಸವಿವೆ. ಹಾಗೆಯೇ ಇದು ಕಾಳಿಂಗ ಸರ್ಪದ ನೈಸರ್ಗಿಕ ತಾಣ ಎಂದೂ ಗುರುತಿಸಿಕೊಂಡಿದೆ.

ಬರಾಕ್‌ ನದಿ ಕಣಿವೆಯಲ್ಲಿ ಈಗಾಗಲೇ ಬೋರೈಲ್‌ ವನ್ಯಜೀವಿ ಅಭಯಾರಣ್ಯವಿದೆ.