Advertisement

Asian Olympics ಕ್ವಾಲಿಫೈಯರ್ಸ್ ಶೂಟಿಂಗ್‌: ಯೋಗೇಶ್‌ಗೆ ಅವಳಿ ಸ್ವರ್ಣ ಯೋಗ

11:20 PM Jan 14, 2024 | Team Udayavani |

ಜಕಾರ್ತಾ: ಏಷ್ಯನ್‌ ಒಲಿಂಪಿಕ್ಸ್‌ ಕ್ವಾಲಿಫೈಯರ್ ಶೂಟಿಂಗ್‌ ಸ್ಪರ್ಧೆಯಲ್ಲಿ ಯೋಗೇಶ್‌ ಸಿಂಗ್‌ ಅವಳಿ ಬಂಗಾರಕ್ಕೆ ಗುರಿ ಇರಿಸಿದ್ದಾರೆ. ರವಿವಾರ ನಡೆದ ಪುರುಷರ 25 ಮೀ. ಸ್ಟಾಂಡರ್ಡ್‌ ಪಿಸ್ತೂಲ್‌ ಸಿಂಗಲ್ಸ್‌ ಹಾಗೂ ಇದೇ ವಿಭಾಗದ ತಂಡ ಸ್ಪರ್ಧೆಯಲ್ಲಿ ಅವರು ಸ್ವರ್ಣ ಸಾಧನೆಗೈದರು.

Advertisement

ಯೋಗೇಶ್‌ ಸಿಂಗ್‌ 25 ಮೀ. ಸ್ಟಾಂಡರ್ಡ್‌ ಪಿಸ್ತೂಲ್‌ ವೈಯಕ್ತಿಕ ಸ್ಪರ್ಧೆಯಲ್ಲಿ ಸರ್ವಾಧಿಕ 572 ಅಂಕ ಸಂಪಾದಿಸಿ ಚಿನ್ನ ಗೆದ್ದರು. ಬಳಿಕ ಅಮಿತ್‌ ಮತ್ತು ಪ್ರಕಾಶ್‌ ಅವರನ್ನೊಳಗೊಂಡ ತಂಡ ಸ್ಪರ್ಧೆಯಲ್ಲೂ ಭಾರತಕ್ಕೆ ಬಂಗಾರ ತಂದಿತ್ತರು.

ಇದರೊಂದಿಗೆ ಈ ಕೂಟದಲ್ಲಿ ಭಾರತ ಗೆದ್ದ ಪದಕಗಳ ಸಂಖ್ಯೆ 32ಕ್ಕೆ ಏರಿತು. ಇದರಲ್ಲಿ 14 ಚಿನ್ನದ ಪದಕಗಳು ಸೇರಿವೆ. ಜತೆಗೆ 10 ಬೆಳ್ಳಿ ಹಾಗೂ 8 ಕಂಚಿನ ಪದಕಗಳಿವೆ.

ಶಾಟ್‌ಗನ್‌ ಅರ್ಹತಾ ಸುತ್ತಿನ ಟ್ರ್ಯಾಪ್‌ ಸ್ಪರ್ಧೆಯಲ್ಲಿ ಮೊದಲ 75 ಟಾರ್ಗೆಟ್‌ಗಳು ಮುಗಿದಿದ್ದು, ಶ್ರೇಯಸಿ ಸಿಂಗ್‌ ಮತ್ತು ಭವ್ಯಾ ತ್ರಿಪಾಠಿ ಟಾಪ್‌-6 ಯಾದಿಯಲ್ಲಿದ್ದಾರೆ. ಮನೀಶಾ ಕೀರ್‌ 11ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಟ್ರ್ಯಾಪ್‌ ಅರ್ಹತಾ ವಿಭಾಗದ ಕೊನೆಯ ಸುತ್ತು ಹಾಗೂ ಫೈನಲ್‌ ಸ್ಪರ್ಧೆ ಸೋಮವಾರ ನಡೆಯಲಿದೆ. ಇದರಲ್ಲಿ 2 ಪ್ಯಾರಿಸ್‌ ಒಲಿಂಪಿಕ್ಸ್‌ ಕೋಟಾಗಳಿವೆ.

Advertisement

Udayavani is now on Telegram. Click here to join our channel and stay updated with the latest news.

Next