ಇಂದಿನಿಂದ ಏಶ್ಯನ್‌ ಆ್ಯತ್ಲೆಟಿಕ್ಸ್‌

ದೋಹಾ: ಪ್ರಮುಖ ಆ್ಯತ್ಲೀಟ್‌ಗಳ ಗೈರಲ್ಲೂ ರವಿವಾರ ಆರಂಭವಾಗಲಿರುವ ‘ಏಶ್ಯನ್‌ ಆ್ಯತ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌’ನಲ್ಲಿ ಹೆಚ್ಚಿನ ಸಂಖ್ಯೆಯ ಪದಕ ಗೆಲ್ಲುವ ನಿರೀಕ್ಷೆಯೊಂದಿಗೆ ಭಾರತ ಕಣಕ್ಕಿಳಿಯಲಿದೆ. ಕಳದೆ ವರ್ಷ ಭುವನೇಶ್ವರದಲ್ಲಿ ನಡೆದ ಕೂಟದಲ್ಲಿ ಭಾರತ ದಾಖಲೆಯ 29 ಪದಕಗಳನ್ನು (12 ಚಿನ್ನ, 5 ಬೆಳ್ಳಿ, 12 ಕಂಚು) ಗೆದ್ದು ಅಗ್ರಸ್ಥಾನ ಪಡೆದು ಮೆರೆದಾಡಿತ್ತು. ಆದರೆ ಈ ಬಾರಿ ಮತ್ತೆ ಭಾರತೀಯ ಆ್ಯತ್ಲೀಟ್‌ಗಳಿಂದ ಇಂಥದೇ ಸಾಧನೆ ಪುನರಾವರ್ತನೆಗೊಳ್ಳುವುದು ಅನುಮಾನ. ಕಾರಣ, 42 ಸದಸ್ಯರ ಈ ತಂಡದಲ್ಲಿ ಪ್ರಮುಖ ಆ್ಯತ್ಲೀಟ್‌ಗಳು ಗೈರಾಗಿದ್ದಾರೆ.