ಬೆಂಗಳೂರು: ಪವರ್‌ಸ್ಟಾರ್‌ ಪುನೀತ್‌ರಾಜ್‌ಕುಮಾರ್‌ ಯಾವತ್ತೂ ಫಿಟ್‌ನೆಸ್‌ಗೆ ಹೆಚ್ಚು ಒತ್ತು ಕೊಡುತ್ತಿದ್ದವರು. ದೈಹಿಕ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ಹೊಂದಿದ್ದವರು ಅಪ್ಪು. ಕೇವಲ ಅವರ ನಟನೆಗೆ, ಹಾಡುಗಳಿಗೆ, ನೃತ್ಯಕ್ಕೆ ಮಾತ್ರವಲ್ಲದೇ ಅವರ ಫಿಟ್‌ನೆಸ್‌ಗೂ ಅಭಿಮಾನಿಗಳಿದ್ದಾರೆ.
ಅಪ್ಪುವಿನ ಅಕಾಲಿಕ ನಿಧನದ ಬಳಿಕ ಅವರ ಪತ್ನಿ ಅಶ್ವಿನಿ ಪತಿಯ ಎಲ್ಲಾ ಜವಾಬ್ದಾರಿಗಳನ್ನು ನಿಭಾಯಿಸಿಕೊಂಡುಬರುತ್ತಿದ್ದಾರೆ. ಅಪ್ಪುವಿನ ಪಿಆರ್‌ಕೆ ಪ್ರೊಡಕ್ಷನ್‌, ಅವರ ಸಾಮಾಜಿಕ ಕಾರ್ಯಗಳನ್ನು ಪತ್ನಿ ಅಶ್ವಿನಿ ಅವರೇ ಮುಂದೆ ನಿಂತು ನೋಡಿಕೊಳ್ಳುತ್ತಿದ್ಧಾರೆ.
ಸಾಕಷ್ಟು ಒತ್ತಡಗಳ ಮಧ್ಯೆಯೂ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌ ಅವರು ಫಿಟ್‌ನೆಸ್‌ನಲ್ಲೂ ಅಪ್ಪು ಹಾದಿ ಹಿಡಿದಿದ್ದಾರೆ. ಅವರು ಅಪ್ಪುವಿನಂತೆ ಜಿಮ್‌ನಲ್ಲಿ ವರ್ಕ್‌ಔಟ್‌ ಮಾಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.
ಅಶ್ವಿನಿ ವರ್ಕ್‌ಔಟ್‌ ಮಾಡುತ್ತಿರುವ ವಿಡಿಯೋವನ್ನು ಪುನೀತ್‌ರಾಜ್‌ಕುಮಾರ್‌ ಫ್ಯಾನ್‌ ಪೇಜ್‌ ಒಂದು ಹಂಚಿಕೊಂಡಿದೆ. ಅಲ್ಲದೇ ವಿಡಿಯೋಗೆ ಪುನೀತ್‌ ಅವರ ಯುವರತ್ನ ಸಿನೆಮಾದ ʻಫಿಲ್‌ ದಿ ಪವರ್‌ʼ ಹಾಡನ್ನೂ ಹಾಕಿದೆ. ಈ ವಿಡಿಯೋಗೆ ಅಪ್ಪು ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ:
ಸಸ್ಯಹಾರಿ ಹೊಟೇಲ್‌ನಲ್ಲಿ ಚಿಕನ್‌ ಕೇಳಿ,ಸಿಬ್ಬಂದಿ ಮೇಲೆ ಹಲ್ಲೆಗೈದ ಪೊಲೀಸರು: ವಿಡಿಯೋ ವೈರಲ್
