ಆ್ಯಶಸ್‌ ಸೋಲು: ಆಸ್ಟ್ರೇಲಿಯ ನಾಯಕ ಪೇನ್‌ ವಿರುದ್ಧ ಆಕ್ರೋಶ

ಲೀಡ್ಸ್‌: ಇಂಗ್ಲೆಂಡ್‌ ವಿರುದ್ಧ 3ನೇ ಟೆಸ್ಟ್‌ ಪಂದ್ಯದಲ್ಲಿ ಆಸ್ಟ್ರೇಲಿಯ ಅನಿರೀಕ್ಷಿತವಾಗಿ ಸೋತ ಬಳಿಕ ಅಲ್ಲಿನ ಹಿರಿಯ ಕ್ರಿಕೆಟಿಗರೆಲ್ಲ ನಾಯಕ ಟಿಮ್‌ ಪೇನ್‌ ವಿರುದ್ಧ ಮುಗಿಬಿದ್ದಿದ್ದಾರೆ.

ಇದಕ್ಕೆ ಕಾರಣ, ಪೇನ್‌ ಒಂದು ಡಿಆರ್‌ಎಸ್‌ ಅನ್ನು ಹಾಳು ಮಾಡಿದ್ದು. ಇದರಿಂದ ಮುಂದೆ ಬೆನ್‌ ಸ್ಟೋಕ್ಸ್‌ಗೆ ನಾಟೌಟ್‌ ತೀರ್ಪು ನೀಡಿದಾಗ ಡಿಆರ್‌ಎಸ್‌ ಬಳಸಲು ಸಾಧ್ಯವಾಗಲಿಲ್ಲ. ಅಂಪಾಯರ್‌ ತಪ್ಪು ತೀರ್ಪು ನೀಡಿದ್ದರೂ ಆಸೀಸ್‌ ಕ್ರಿಕೆಟಿಗರು ಮನವಿ ಸಲ್ಲಿಸಲು ಸಾಧ್ಯವಾಗದೇ ಅಸಹಾಯಕರಾಗಿದ್ದರು. ಇದರಿಂದ ಆಸೀಸ್‌ ಸೋಲಬೇಕಾಯಿತು ಎಂಬುದೊಂದು ಆಸೀಸ್‌ ಕ್ರಿಕೆಟ್‌ ಅಭಿಮಾನಿಗಳ ವಾದ.