ನೈನಿತಾಲ್‌: ಉತ್ತರಾಖಂಡದಲ್ಲಿರುವ ಆರ್ಯಭಟ ಬಾಹ್ಯಾಕಾಶ ವಿಜ್ಞಾನ ಸಂಶೋಧನಾ ಸಂಸ್ಥೆಯ ವಿಜ್ಞಾನಿಗಳು ಕ್ಷೀರಪಥ ನಕ್ಷತ್ರ ಪುಂಜದಲ್ಲಿ 28 ಹೊಸ ನಕ್ಷತ್ರಗಳನ್ನು ಕಂಡುಕೊಂಡಿದ್ದಾರೆ. ಈ ನಕ್ಷತ್ರಗಳ ಪ್ರಕಾಶವು ಬದಲಾಗುತ್ತಲೇ ಇರುತ್ತದೆ. ಈ ರೀತಿಯ ನಕ್ಷತ್ರಗಳನ್ನು ಇದೇ ಮೊದಲ ಬಾರಿಗೆ ಈ ವಲಯದಲ್ಲಿ ಕಂಡುಕೊಳ್ಳಲಾಗಿದ್ದು, ಇದು ಅತ್ಯಂತ ಮಹತ್ವದ ಸಾಧನೆ ಎಂದು ಸಂಶೋಧನಾ ಸಂಸ್ಥೆ ನಿರ್ದೇಶಕ ವಹಾ ಬುದ್ದೀನ್‌ ಹೇಳಿದ್ದಾರೆ. ನಕ್ಷತ್ರ ಕಾಲಕಾಲಕ್ಕೆ ಸಂಕುಚಿತಗೊಳ್ಳುವುದು ಹಾಗೂ ವಿಕಸಿತ ವಾಗುವುದೇ ಪ್ರಕಾಶ ಬದಲಾಗುವುದಕ್ಕೆ ಕಾರಣವಿರಬಹುದು. ಇತರ ಗ್ರಹಗಳು ಈ ನಕ್ಷತ್ರಗಳ ಎದುರು ಕಾಣಿಸಿಕೊಂಡಾಗ ಪ್ರಕಾಶ ಕಾಣಿಸದೇ ಇರಬಹುದು ಎಂದು ವಿಜ್ಞಾನಿಗಳು ಊಹಿಸಿದ್ದಾರೆ. ಡಾ| ಸ್ನೇಹಲತಾ ಮತ್ತು ಡಾ| ಎ.ಕೆ. ಪಾಂಡೆ ನೇತೃತ್ವದ ತಂಡ ಈ ಮಹತ್ವದ ಸಂಶೋಧನೆ ನಡೆಸಿದ್ದು, ಇದರ ಸಮಗ್ರ ವಿವರ ಆಗಸ್ಟ್‌ ಮಾಸದ ಆಸ್ಟ್ರೋನಾಮಿಕಲ್‌ ಜರ್ನಲ್‌ನಲ್ಲಿ ಪ್ರಕಟಿಸಲಾಗುತ್ತದೆ.
