ಬೂಕರ್‌ ಪ್ರಶಸ್ತಿ ಪಟ್ಟಿಯಲ್ಲಿ ಅರುಂಧತಿ ಹೊಸ ಪುಸ್ತಕ

ಹೊಸದಿಲ್ಲಿ: ಲೇಖಕಿ ಅರುಂಧತಿ ರಾಯ್‌ ಅವರ ಹೊಸ ಕೃತಿ ‘ದಿ ಮಿನಿಸ್ಟ್ರಿ ಆಫ್ ಅಟ್‌ಮೋಸ್ಟ್‌ ಹ್ಯಾಪಿನೆಸ್‌’ ಈ ವರ್ಷದ ಪ್ರತಿಷ್ಠಿತ ಬೂಕರ್‌ ಪ್ರಶಸ್ತಿ ಪಟ್ಟಿಗೆ ಸೇರ್ಪಡೆಯಾಗಿದೆ. 1997ರಲ್ಲಿ ಅರುಂಧತಿ ಅವರ ಚೊಚ್ಚಲ ಕೃತಿ ‘ಗಾಡ್‌ ಆಫ್ ಸ್ಮಾಲ್‌ ಥಿಂಗ್ಸ್‌’ ಬೂಕರ್‌ ಪ್ರಶಸ್ತಿ ಗೆದ್ದ ಬಳಿಕ ಬೂಕರ್‌ ಪ್ರಶಸ್ತಿ ಪಟ್ಟಿಗೆ ಸೇರ್ಪಡೆಗೊಳ್ಳುತ್ತಿರುವ ಎರಡನೇ ಕೃತಿ ಇದಾಗಿದೆ.

ಅವರು ಹಲವಾರು ಕೃತಿಗಳನ್ನು ಪ್ರಕಟಿಸಿದ್ದು, ಈ ಬಾರಿ ಬೂಕರ್‌ಗೆ ಆಯ್ಕೆಗೊಂಡ ಒಂದು ಕೃತಿ ಕಾಲ್ಪನಿಕ ಕಾದಂಬರಿಯಾಗಿದೆ. ಅಂತಿಮ 7 ಪುಸ್ತಕಗಳ ಪಟ್ಟಿ ಸೆ.13ರಂದು ಪ್ರಕಟಗೊಳ್ಳಲಿದ್ದು, 2017ನೇ ಸಾಲಿನ ವಿಜೇತರ ಹೆಸರು ಅ.17ರಂದು ಘೋಷಣೆಯಾಗಲಿದೆ. 1961ರಲ್ಲಿ ಜನಿಸಿದ ಅವರು ಹಲವು ಲೇಖನ, ಕಾದಂಬರಿಗಳನ್ನು ಪ್ರಕಟಿಸಿದ್ದಾರೆ.