ಶಶಿ ತರೂರ್‌ ವಾರಂಟ್‌ ಗೊಂದಲ

ತಿರುವನಂತಪುರ: ಕಾಂಗ್ರೆಸ್‌ ಸಂಸದ, ಖ್ಯಾತ ಲೇಖಕ ಶಶಿ ತರೂರ್‌ ವಿರುದ್ಧ ಬಂಧನ ವಾರೆಂಟ್‌ ಜಾರಿಗೊಳಿಸಲಾಗಿದೆ ಎಂಬ ಮಾಧ್ಯಮ ವರದಿ ಗೊಂದಲ ಸೃಷ್ಟಿಸಿದೆ. ಸ್ವತಃ ಶಶಿ ತರೂರ್‌ ಈ ಬಗ್ಗೆ ಪ್ರತಿಕ್ರಿಯಿಸಿ, ನಿರ್ದಿಷ್ಟ ಸ್ಥಳೀಯ ನ್ಯಾಯಾಲಯಕ್ಕೆ ಈ ಬಗ್ಗೆ ಸ್ಪಷ್ಟನೆ ಕೇಳಲಾಗುವುದೆಂದು ತಿಳಿಸಿದ್ದಾರೆ. ತರೂರ್‌ ಬರೆದ ದಿ ಗ್ರೇಟ್‌ ಇಂಡಿಯನ್‌ ನಾವೆಲ್‌ ಕಾದಂಬರಿ 1989ರಲ್ಲಿ ಪ್ರಕಟವಾಗಿತ್ತು.

ಅದರಲ್ಲಿ ನಾಯರ್‌ ಮಹಿಳೆಯರನ್ನು ಅವಮಾನಿಸಲಾಗಿದೆ ಎಂದು ಕೇರಳ ಬಿಜೆಪಿ ಮಹಿಳಾ ಮೋರ್ಚಾ ನಾಯಕಿ ಸಂಧ್ಯಾ, ಈ ವರ್ಷ ಎಪ್ರಿಲ್‌ನಲ್ಲಿ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದರು. ಡಿ.21ರೊಳಗೆ ಹಾಜರಾಗಬೇಕು ಎಂಬ ನ್ಯಾಯಾಲಯದ ನಿರ್ದೇಶನವನ್ನು ಉಲ್ಲಂಘಿಸಲಾಗಿದೆ, ಆದ್ದರಿಂದ ಬಂಧನಕ್ಕೆ ಸೂಚಿಸಲಾಗಿದೆಯೆಂದು ವರದಿಯಾಗಿದೆ. ಆದರೆ ತನಗೆ ನೀಡಿರುವ ಸಮನ್ಸ್‌ನಲ್ಲಿ ಯಾವ ದಿನಾಂಕವೆಂದು ಸೂಚಿಸಿಯೇ ಇಲ್ಲವೆಂದು ತರೂರ್‌ ತಿಳಿಸಿದ್ದಾರೆ!