300 ರೂ ಗೆ ವೋಟರ್ ಕಾರ್ಡ್! ನಕಲಿ ವೋಟರ್ ಕಾರ್ಡ್ ತಯಾರಿಸುತ್ತಿದ್ದ ಇಬ್ಬರ ಬಂಧನ

ಹಾವೇರಿ: ನಕಲಿ ವೋಟರ್ ಐಡಿ ಕಾರ್ಡುಗಳನ್ನು ತಯಾರಿಸುತ್ತಿದ್ದ ಹಾವೇರಿ ಒನ್ ಕಾಮನ್ ಸರ್ವಿಸ್ ಸೆಂಟರ್ ಮೇಲೆ ಎಡಿಸಿ ನೇತೃತ್ವದಲ್ಲಿ ದಾಳಿ ನಡಸಿ ಇಬ್ಬರು ಆರೋಪಿಗಳನ್ನು ವಶಕ್ಕೆ ಪಡೆದಿರುವ ಘಟನೆ ಮಂಗಳವಾರ ನಗರದಲ್ಲಿ ನಡೆದಿದೆ.

ಜೀವನಸಿಂಗ್ ರಜಪೂತ ಹಾಗೂ ನವೀನ್ ಉಪ್ಪಾರ ಬಂಧಿತ ಆರೋಪಿಗಳು.

ಇವರು ಹರಿಯಾಣ ಮೂಲದ ಸಾಫ್ಟೇರ್ ಬಳಸಿ ಜನರಿಗೆ 300 ರೂಪಾಯಿಗೆ ನಕಲಿ ಚುನಾವಣಾ ಗುರುತಿನ‌ ಚೀಟಿಗಳನ್ನು ಮಾಡಿ ಕೊಡುತ್ತಿದ್ದರು. ಇದನ್ನು ಗಮನಿಸಿ ಅಧಿಕಾರಿಗಳು ದಾಳಿ ನಡಿಸಿ ಆರೋಪಿಗಳು ಬಳಸುತ್ತಿದ್ದ ಕಂಪ್ಯೂಟರ್ ಹಾರ್ಡ್ ಡಿಸ್ಕ್ ಸೇರಿದಂತೆ ವಿವಿಧ ಸಾಮಗ್ರಿಗಳನ್ನು ವಶಕ್ಕೆ ಪಡೆದು ಅಂಗಡಿ ಸೀಜ್ ಮಾಡಿದ್ದಾರೆ.

ಇದನ್ನೂ ಓದಿ:ಸುಶಾಂತ್ ಸಿಂಗ್ ರಜಪೂತ್ ಕೇಸ್: ರಿಯಾ ಚಕ್ರವರ್ತಿಗೆ ಅ.20ರವರೆಗೆ ಜೈಲೇ ಗತಿ!

ಈ ಕುರಿತು ಶಹರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆಸಿದ್ದಾರೆ.