Army ವೈದ್ಯಕೀಯ ಸೇವೆ ಡಿ.ಜಿ. ಹುದ್ದೆಗೆ ಮೊದಲ ಮಹಿಳೆ

ಹೊಸದಿಲ್ಲಿ: ಭಾರತೀಯ ಸೇನೆಯ ವೈದ್ಯಕೀಯ ಸೇವೆಗಳ ಮಹಾನಿರ್ದೇಶಕರಾಗಿ ಲೆಫ್ಟಿನೆಂಟ್‌ ಜನರಲ್‌ ಸಾಧನಾ ಸಕ್ಸೇನಾ ನಾಯರ್‌ ಅಧಿಕಾರ ವಹಿಸಿಕೊಂಡಿದ್ದಾರೆ.

ಈ ಮೂಲಕ ಈ ಉನ್ನತ ಹುದ್ದೆಗೇರಿದ ಮೊದಲ ಮಹಿಳೆ ಎಂಬ ಖ್ಯಾತಿಗೂ ಪಾತ್ರರಾಗಿ ದ್ದಾರೆ. ಈ ಮೊದಲು ಸಶಸ್ತ್ರ ಪಡೆಯ ಆಸ್ಪತ್ರೆ ಸೇವೆಗಳ ಮಹಾನಿರ್ದೇಶಕ ರಾಗಿ ನೇಮಕಗೊಂಡ ಮೊದಲ ವೈದ್ಯೆ ಎಂಬ ಗರಿಯೂ ಇವರ ಮುಡಿಗೇರಿತ್ತು. ಪುಣೆಯಲ್ಲಿರುವ ಸಶಸ್ತ್ರ ಪಡೆಗಳ ವೈದ್ಯಕೀಯ  ಕಾಲೇಜಿನಲ್ಲಿ ಸಾಧನಾ ಅವರು ಪದವಿ ಪಡೆ ದಿದ್ದು, 1985ರಲ್ಲಿ ಆರ್ಮಿ ಮೆಡಿಕಲ್‌ ಕಾಪ್ಸ್‌ìಗೆ ನಿಯೋಜನೆಗೊಂಡಿದ್ದರು.