ವಿಶ್ವ ಆ್ಯತ್ಲೆಟಿಕ್ಸ್‌: ಡುಪ್ಲಂಟಿಸ್‌ ಪೋಲ್‌ವಾಲ್ಟ್ ವಿಶ್ವದಾಖಲೆ

ಯೂಜೀನ್‌: ಸ್ವೀಡನ್‌ನ ಅರ್ಮಾಂಡ್‌ ಡುಪ್ಲಂಟಿಸ್‌ ಪೋಲ್‌ವಾಲ್ಟ್ ನಲ್ಲಿ ತಮ್ಮದೇ ವಿಶ್ವದಾಖಲೆಯನ್ನು ತಿದ್ದಿ ಬರೆದರು. ಅವರು 6.21 ಮೀ. ನೆಗೆತದೊಂದಿಗೆ ವಿಶ್ವ ಆ್ಯತ್ಲೆಟಿಕ್ಸ್‌ನಲ್ಲಿ ಮೊದಲ ಚಿನ್ನದ ಪದಕ ಗೆದ್ದರು.

ಈ ಸಾಧನೆಯೊಂದಿಗೆ 22 ವರ್ಷದ ಡುಪ್ಲಂಟಿಸ್‌ ಒಲಿಂಪಿಕ್ಸ್‌, ವಿಶ್ವ ಚಾಂಪಿಯನ್‌ಶಿಪ್‌, ವರ್ಲ್ಡ್ ಇಂಡೋರ್‌ ಚಾಂಪಿಯನ್‌ಶಿಪ್‌, ವರ್ಲ್ಡ್ ಜೂನಿಯರ್‌ ಚಾಂಪಿಯನ್‌ಶಿಪ್‌, ವರ್ಲ್ಡ್ ಯೂತ್‌ ಚಾಂಪಿಯನ್‌ಶಿಪ್‌ ಮತ್ತು ಯುರೋಪಿಯನ್‌ ಚಾಂಪಿಯನ್‌ಶಿಪ್‌ ಗಳಲ್ಲಿ ಪೋಲ್‌ವಾಲ್ಟ್ ಚಿನ್ನ ಗೆದ್ದ ವಿಶ್ವದ ಮೊದಲ ಆ್ಯತ್ಲೀಟ್‌ ಎಂಬ ಹೆಗ್ಗಳಿಕೆಗೆ ಭಾಜನರಾದರು.

ಡುಪ್ಲಂಟಿಸ್‌ ಈ ವರ್ಷ ವಿಶ್ವದಾಖಲೆಯನ್ನು ತಿದ್ದಿ ಬರೆದ 3ನೇ ನಿದರ್ಶನ ಇದಾಗಿದೆ.