ಭಾರತದಲ್ಲಿ ಐಫೋನ್ 14 ಉತ್ಪಾದನೆಗೆ ಆ್ಯಪಲ್‌ ಕಂಪನಿ ನಿರ್ಧಾರ

ಚೆನ್ನೈ: ನೂತನವಾಗಿ ಬಿಡುಗಡೆಯಾಗಿರುವ ಐಪೋನ್‌ 14 ಮೊಬೈಲ್‌ ಅನ್ನು ಭಾರತದಲ್ಲಿ ತಯಾರಿಸಲು ಆ್ಯಪಲ್‌ ಕಂಪನಿ ನಿರ್ಧರಿಸಿದೆ. ತಮಿಳುನಾಡಿನ ಶ್ರೀಪೆರಂಬದೂರ್‌ನ ಫಾಕ್ಸ್‌ಕಾನ್‌ ಫ್ಯಾಕ್ಟರಿಯಲ್ಲಿ ಇದರ ತಯಾರಿಕೆ ಕಾರ್ಯ ನಡೆಯಲಿದೆ ಎಂದು ಕಂಪನಿ ತಿಳಿಸಿದೆ.

2017ರ ಮೇನಲ್ಲಿ ಬೆಂಗಳೂರಿನಲ್ಲಿ ತನ್ನ ಗುತ್ತಿಗೆ ತಯಾರಿಕಾ ಕಂಪನಿ ವಿಸ್ಟ್ರಾನ್ಸ್‌ ಫೆಸಿಲಿಟಿನಲ್ಲಿ ಐಪೋನ್‌ ಎಸ್‌ಪಿ ಮೊಬೈಲ್‌ ಮೂಲಕ ಆ್ಯಪಲ್‌ ಭಾರತದಲ್ಲಿ ಐಫೋನ್‌ಗಳನ್ನು ತಯಾರಿಸಲು ಆರಂಭಿಸಿತು. ನಂತರ ಬಂದ ಆ್ಯಪಲ್‌ನ ಇತರೆ ನಾಲ್ಕು ಮಾಡೆಲ್‌ಗ‌ಳು ಕೂಡ ಭಾರತದಲ್ಲಿ ತಯಾರಾಗುತ್ತಿದೆ.

ದರ ತಗ್ಗುವ ಸಾಧ್ಯತೆ ಕಡಿಮೆ: ಭಾರತದಲ್ಲೇ ಐಪೋನ್‌ 14 ತಯಾರಾದರೂ ಕೂಡ ಅದರ ದರ ತಗ್ಗುವ ಸಾಧ್ಯತೆ ತೀರ ಕಡಿಮೆ. ಏಕೆಂದರೆ ಈ ಹಿಂದೆ ಕೂಡ ಐಫೋನ್‌ 12, 13 ಮತ್ತು ಇತರೆ ಮಾಡೆಲ್‌ಗ‌ಳು ಭಾರತದಲ್ಲಿ ತಯಾರಾದರೂ ದರ ಹಾಗೆಯೇ ಇತ್ತು.