ಹಿಂದಿನ ದಿನಗಳಲ್ಲಿ ಹೊರದೇಶದಲ್ಲಿ ತುಳು ಚಿತ್ರ ಬಿಡುಗಡೆ ಮಾಡಲು ತುಂಬ ಕಷ್ಟಕರ. ಅಲ್ಲದೆ ಯಾವುದೇ ಸ್ಟ್ರೀಮಿಂಗ್‌ ಲಿಂಕ್‌ಗಳು ತುಳು ಚಿತ್ರ ಬಿತ್ತರಿಸಲು ಅವಕಾಶ ನೀಡುತ್ತಿರಲಿಲ್ಲ, ಆದರೆ ಅಪ್ಪೆ ಟೀಚರ್‌ ಚಿತ್ರ ತಂಡವು ತಮ್ಮ ಸಿನೆಮಾ ಊರಿನ ಅಥವಾ ರಾಜ್ಯದ ಜನರಿಗೆ ಮಾತ್ರ ಸೀಮಿತವಾಗಿರದೆ, ಹೊರದೇಶದ ತುಳು ಸಿನಿ ರಸಿಕರಿಗೆ ವೀಕ್ಷಿಸಲು ಅವಕಾಶ ಕಲ್ಪಿಸಬೇಕೆನ್ನುವ ಗುರಿಯೊಂದಿಗೆ ಈ ಹೊಚ್ಚ ಹೊಸ ಪ್ರಯತ್ನ ಮಾಡಲು ಸಿದ್ಧಗೊಂಡಿದೆ.
Advertisement
ತಂಡವು ತಮ್ಮದೇ ಆದ ಆನ್‌ಲೈನ್‌ ಸ್ಟ್ರೀಮಿಂಗ್‌ ಲಿಂಕ್‌ ನಿರ್ಮಿಸಿ, ಒಟ್ಟು 194 ದೇಶಗಳಲ್ಲಿ ಏಕಕಾಲದಲ್ಲಿ ಈ ಚಿತ್ರ ಬಿಡುಗಡೆಗೊಳ್ಳುತ್ತಿದೆ. ಹೊರದೇಶದ ವೀಕ್ಷಕರು ಮೊಬೈಲ್‌ ಅಥವಾ ಕಂಪ್ಯೂಟರ್‌ಗಳಲ್ಲಿ ಗೂಗಲ್‌ ಲಿಂಕ್‌: pep.app ಮೂಲಕ ಇರುವಲ್ಲಿಯೇ ಸಿನೆಮಾ ವೀಕ್ಷಿಸಬಹುದು. ಮುಂದಿನ ದಿನಗಳಲ್ಲಿ ಬೇರೆ ತುಳು ಚಿತ್ರಗಳಿಗೂ ಈ ಪ್ರಯತ್ನ ದಾರಿದೀಪವಾಗಲಿದೆ ಎಂದು ಚಿತ್ರ ನಿರ್ಮಾಪಕ ಕೆ. ರತ್ನಾಕರ್‌ ಕಾಮತ್‌ ತಿಳಿಸಿದ್ದಾರೆ.