Salman Khan: ಕ್ಷಮೆ ಕೇಳಿ ಇಲ್ಲವೇ 5 ಕೋಟಿ ಕೊಡಿ: ನಟ ಸಲ್ಮಾನ್‌ಗೆ ಮತ್ತೊಂದು ಬೆದರಿಕೆ

ಮುಂಬೈ: ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ಗೆ ಭೂಗತ ಪಾತಕಿ ಲಾರೆನ್ಸ್‌ ಬಿಷ್ಣೋಯ್‌ ಸಹೋದರ ಎಂದು ಹೇಳಿಕೊಂಡ ವ್ಯಕ್ತಿಯಿಂದ ಹೊಸ ಬೆದರಿಕೆ ಸಂದೇಶ ಬಂದಿದೆ.

“ಸಲ್ಮಾನ್‌ ಜೀವಂತ ಉಳಿಯಬೇಕಾದರೆ ಕೃಷ್ಣಮೃಗ ಬೇಟೆಯಾಡಿರುವ ಆತ ಬಿಷ್ಣೋಯ್‌ ಸಮುದಾಯದ ದೇವಾಲಯಕ್ಕೆ ಆಗಮಿಸಿ ಕ್ಷಮೆಯಾಚಿಸಬೇಕು ಅಥವಾ 5 ಕೋಟಿ ರೂ. ನೀಡಬೇಕು. ಇಲ್ಲವಾದಲ್ಲಿ ಇನ್ನೂ ಕಾರ್ಯ ನಿರತವಾಗಿರುವ ನಮ್ಮ ತಂಡ, ಸಲ್ಮಾನ್‌ರನ್ನು ಕೊಲ್ಲಲಿದೆ’ ಎಂದು ಮುಂಬೈ ಸಂಚಾರ ಪೊಲೀಸರಿಗೆ ಕಳುಹಿಸಲಾದ ಸಂದೇಶದಲ್ಲಿ ಉಲ್ಲೇಖೀಸಲಾಗಿದೆ.