ಮುಂಬಯಿ: ಬಾಲಿವುಡ್‌ ನಿರ್ದೇಶಕ ಅನುರಾಗ್‌ ಕಶ್ಯಪ್‌, ತಾಪ್ಸಿ ಪನ್ನು ಅವರನ್ನು ಲೀಡ್‌ ರೋಲ್‌ ನಲ್ಲಿ ಇಟ್ಟುಕೊಂಡು ʼದೋಬಾರಾ ʼ ಸಿನಿಮಾವನ್ನು ಮಾಡಿದ್ದು, ಚಿತ್ರ ಆಗಸ್ಟ್‌ 19 ರಂದು ತೆರೆಗೆ ಬರಲಿದೆ. ಚಿತ್ರದ ಪ್ರಚಾರದಲ್ಲಿ ಇಬ್ಬರು ಬ್ಯುಸಿಯಾಗಿದ್ದಾರೆ.
ಮೊದಲಿನಿಂದಲೂ ಅನುರಾಗ್‌ ಕಶ್ಯಪ್‌ ತಮಾಷೆಯಾಗಿ ಏನೇ ಮಾತಾನಾಡಿರೂ ಅದು ದೊಡ್ಡ ಸುದ್ದಿಯಾಗುತ್ತದೆ ಅಥವಾ ಚರ್ಚೆ ಹುಟ್ಟಿ ಹಾಕುತ್ತದೆ. ಅಂಥದ್ದೇ ಮಾತನ್ನು ಅನುರಾಗ್‌ ಮತ್ತೊಮ್ಮೆ ಆಡಿದ್ದಾರೆ.
ಸಿನಿಮಾದ ಪ್ರಮೋಷನ್‌ ಗಾಗಿ ಅನುರಾಗ್‌ ಕಶ್ಯಪ್‌ ಹಾಗೂ ತಾಪ್ಸಿ ಪನ್ನು ಸಂದರ್ಶನ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾರೆ. ಈ ವೇಳೆ ನಿರೂಪಕ ರಣ್ಬೀರ್‌ ಸಿಂಗ್‌ ಬೆತ್ತಲೆ ಫೋಟೋ ಶೂಟ್‌ ಮಾಡಿರುವ ಬಗ್ಗೆ ಒಂದು ಪ್ರಶ್ನೆಯನ್ನು ಕೇಳಿದ್ದಾರೆ. ಇದಕ್ಕೆ ಅನುರಾಗ್‌ ಕಶ್ಯಪ್‌ ವ್ಯಂಗ್ಯವಾಗಿ ಉತ್ತರಿಸಿದ್ದಾರೆ.
“ನಾನು ಕೂಡ ಇಂಟರ್‌ ನೆಟ್‌ ನಲ್ಲಿ ಸೆನ್ಸೇಷನಲ್‌ ಸೃಷ್ಟಿಸುವ ಫೋಟೋ ಹಾಕಬೇಕೆಂದುಕೊಂಡಿದ್ದೆ. ಆದರೆ ನನ್ನ ಹೊಟ್ಟೆಯಿಂದ ಅದು ಸಾಧ್ಯವಿಲ್ಲ” ಎಂದು ಹೇಳಿದ್ದಾರೆ. ಇದಕ್ಕೆ ಪಕ್ಕದಲ್ಲೇ ಇದ್ದ ತಾಪ್ಸಿ “ಹಾರಾರ್‌ ಶೋ” ಎಂದು ಪ್ರತಿಕ್ರಿಯೆ ಕೊಟ್ಟಿದ್ದಾರೆ. ನಿರೂಪಕ ಇದಕ್ಕೆ ತಾಪ್ಸಿಗೆ ಅಭದ್ರತೆ ಕಾಡುತ್ತಿದೆ ಎಂದಿದ್ದಾರೆ. ಕೂಡಲೇ “ಅನುರಾಗ್‌ ಅವಳು ಹಾಗೆಯೇ, ಅವರಿಗಿಂತ ದೊಡ್ಡ ಸ್ತನ ನನಗಿದೆ” ಹಾಗಾಗಿ ಅವಳಿಗೆ ನನ್ನ ಬಗ್ಗೆ ಹೊಟ್ಟೆಯುರಿ” ಎಂದಿದ್ದಾರೆ. ಈ ಮಾತಿಗೆ ತಾಪ್ಸಿ ಸೇರಿ ಎಲ್ಲರೂ ಜೋರಾಗಿ ನಕ್ಕಿದ್ದಾರೆ.
ಇನ್ನೊಂದೆಡೆ ಅನುರಾಗ್‌ ಆಡಿದ ಮಾತಿನ ತುಣುಕು ಸೋಶಿಯಲ್‌ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ʼದೊಬಾರʼ 2018 ರಲ್ಲಿ ಬಂದ ʼಮೈರೇಜ್‌ʼ ಚಿತ್ರದ ರಿಮೇಕ್‌ ಚಿತ್ರವಾಗಿದೆ. ಇದೊಂದು ಮಹಿಳಾ ಪ್ರಧಾನ ಕಥೆಯನ್ನೊಳಗೊಂಡ ಸಿನಿಮಾ.
