ಕೃಷ್ಣ ಪಾಲೇಮಾರ್‌ಗೆ ತರಾಟೆ; ಮುಗಿಬಿದ್ದ ಉದ್ರಿಕ್ತರು 

ಮಂಗಳೂರು: ದುಷ್ಕರ್ಮಿಗಳ ದಾಳಿಗೊಳಗಾಗಿ  ಕೊನೆಯುಸಿರೆಳೆದಿರುವ ಬಶೀರ್‌ ಅವರ ಅಂತಿಮ ದರ್ಶನಕ್ಕಾಗಿ ಆಗಮಿಸಿದ ಬಿಜೆಪಿ ಮುಖಂಡ, ಮಾಜಿ ಸಚಿವ ಕೃಷ್ಣ ಪಾಲೇಮಾರ್‌ ಅವರಿಗೆ  ಎಜೆ ಆಸ್ಪತ್ರೆಯ ಶವಾಗಾರದ ಆವರಣದಲ್ಲಿ  ಜಮಾಯಿಸಿದ್ದ ಜನರು ತೀವ್ರ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ. 

ಆಸ್ಪತ್ರೆಗೆ ಅಂತಿಮ ದರ್ಶನಕ್ಕೆ ಆಗಮಿಸಿದ ವೇಳೆ ಸ್ಥಳದಲ್ಲಿದ್ದವರು ನೀವೆ ಹಣ ಕೊಟ್ಟು ಅಮಾಯಕರನ್ನು ಕೊಲ್ಲಿಸುವುದು. ಈಗ ಶಾಂತಿ  ಹೆಸರು ಹೇಳಿ ರಾಜಕಾರಣ ಮಾಡಲು ಬರುತ್ತೀರಿ    ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.

 ಯಾವುದೇ ಕಾರಣಕ್ಕೂ ಇಲ್ಲಿ ಇರಬಾರದು, ಇಲ್ಲಿದ್ದ ತೆರಳಿ ಎಂದು ನೂರಾರು ಜನ ಘೋಷಣೆ ಕೂಗಿದ್ದಾರೆ.

ಮಾಧ್ಯಮಗಳ ಎದುರು ಮಾತನಾಡುವಾಗಲೂ ಆಕ್ರೋ ವ ವ್ಯಕ್ತ ಪಡಿಸಿ  ಅಡ್ಡಿ ಪಡಿಸಿದ್ದಾರೆ. 

ಪೊಲೀಸರ ಸೂಚನೆ ಮೇರೆಗೆ ಪರಿಸ್ಥಿತಿ ಕೈ ಮೀರುವ ಪರಿಸ್ಥಿತಿ ಎದುರಾದ ತಕ್ಷಣ ಪಾಲೇಮಾರ್‌ ಅವರು ಕಾರಿನಲ್ಲಿ ಆಸ್ಪತ್ರೆಯ ವಠಾರದಿಂದ ವಾಪಾಸ್‌ ತೆರಳಿದ್ದಾರೆ. 

ದಯವಿಟ್ಟು ಎಲ್ಲರೂ ಶಾಂತಿ ಕಾಪಾಡಿ 

ಆಸ್ಪತ್ರೆಯ ಬಳಿ ನೆರೆದವರನ್ನುದ್ದೇಶಿಸಿ ಮಾತನಾಡಿದ ಬಶೀರ್‌ ತಮ್ಮ ಹಕೀಂ ‘ನಮ್ಮ ಸಹೋದರ ವಿಧಿ ವಶವಾಗಿದ್ದಾನೆ. ನಾವು ಶಾಂತಿ ಕಾಪಾಡುವ ಮೂಲಕ ಅವನಿಗೆ ಸ್ವರ್ಗ ಪ್ರಾಪ್ತಿಯಾಗುವ ಹಾಗೆ ಮಾಡುವ. ನನ್ನ ಮುಸ್ಲಿಮರು  ಹಿಂದೂ ಸಹೋದರ, ಸಹೋದರಿಯರಿಗೆ ತೊಂದರೆಯಾಗಬಾರದು. ಅಲ್ಲಾಹು, ಪೈಗಂಬರ್‌ ಅವರ ಹೆಸರು ಹೇಳಿ  ಬೇಡಿಕೊಳ್ಳುತ್ತೇನೆ, ಅಣ್ಣನ ಅಂತ್ಯಕ್ರಿಯೆ ಆಗುವ ವರೆಗೂ, ಆ ಬಳಿಕವೂ ಎಲ್ಲರೂ ಶಾಂತಿ ಕಾಪಾಡಿ ಎಂದು ಮನವಿ ಮಾಡಿದ್ದಾರೆ.