ಹೊಲದಲ್ಲಿ ಬಿದ್ದಿದ್ದ ನಿರ್ಗತಿಕನ ಶವ ಹೊತ್ತು 1 ಕಿ.ಮಿ. ಸಾಗಿದ ಮಹಿಳಾ ಎಸ್‌ಐ

ಶ್ರೀಕಾಕುಲಂ: ಹೊಲದಲ್ಲಿ ಬಿದ್ದಿದ್ದ ನಿರ್ಗತಿಕ ವೃದ್ಧನ ಶವ ಹೊತ್ತು ಒಂದು ಕಿಲೋಮೀಟರ್‌ವರೆಗೂ ಸಾಗಿಸುವಲ್ಲಿ ಸಹಕರಿಸಿದ ಮಹಿಳಾ ಎಸ್‌ಐ ಒಬ್ಬರ ವಿಡಿಯೋ ಈಗ ವೈರಲ್‌ ಆಗುತ್ತಿದೆ.

ಆಂಧ್ರಪ್ರದೇಶದ ಶ್ರೀಕಾಕುಳಂ ಸನಿಹದ ಸಂಪಂಗಿಪುರಂನ ಹೊಲವೊಂದರಲ್ಲಿ ವೃದ್ಧನೊಬ್ಬನ ಮೃತದೇಹ ಪತ್ತೆಯಾಗಿತ್ತು. ಸುದ್ದಿ ತಿಳಿದ ಸಬ್‌ ಇನ್ಸ್‌ಪೆಕ್ಟರ್‌ ಕೊಟ್ಟೂರು ಶ್ರೀಶಾ ಸ್ಥಳಕ್ಕೆ ತೆರಳಿದರು.

ವೃದ್ಧನ ಶವ ಹೊಲದಲ್ಲಿದ್ದ ಕಾರಣ ಅದನ್ನು ವಾಹನದವರೆಗೂ ತರುವುದು ಕಷ್ಟವಾಗಿತ್ತು. ಈ ವೇಳೆಯಲ್ಲಿ ಶವ ಸಾಗಿಸಲು ಸಹಕಾರ ಕೇಳಿದರೆ ಗ್ರಾಮಸ್ಥರು ನಿರಾಕರಿಸಿಬಿಟ್ಟರು. ಆಗ ತಡಮಾಡದ ಎಸ್‌ಐ ಶ್ರೀಶಾ ಹೊಲದಲ್ಲಿದ್ದ ಕೆಲವು ಕೆಲಸಗಾರರ ಜತೆ ಸೇರಿ ವೃದ್ಧನ ಶವವನ್ನು ಸುಮಾರು 1 ಕಿಲೋಮೀಟರ್‌ ದೂರದಲ್ಲಿದ್ದ ವಾಹನದವರೆಗೂ ಸಾಗಿಸಿದ್ದಾರೆ. ಅವರ ಈ ವಿಡಿಯೋ ವೈರಲ್‌ ಆಗಿದ್ದು ಶ್ರೀಶಾ ಅವರ ಸೇವೆಯನ್ನು ನೆಟ್ಟಿಗರು ಕೊಂಡಾಡುತ್ತಿದ್ದಾರೆ.

ಇದನ್ನೂ ಓದಿ:ಎಟಿಎಂನಲ್ಲಿ ಮಹಿಳೆ ಮೇಲೆ ಮಾರಣಾಂತಿಕ ಹಲ್ಲೆ ಪ್ರಕರಣ : ಅಪರಾಧಿ ಮಧುಕರ್‌ ರೆಡ್ಡಿಗೆ ಶಿಕ್ಷೆ