ಐಶ್ವರ್ಯಾ ನನ್ನ ಅಮ್ಮ, ಐವಿಎಫ್ ಮೂಲಕ ಹುಟ್ಟಿದೆ: ಆಂಧ್ರ ತರುಣ

ಮುಂಬಯಿ : ಆಂಧ್ರ ಪ್ರದೇಶದ ಯುವಕ ಸಂಗೀತ್‌ ಕುಮಾರ್‌ ಎಂಬಾತ “ನನ್ನ ಅಮ್ಮ ಬೇರೆ ಯಾರೂ ಅಲ್ಲ; ಬಾಲಿವುಡ್‌ ನಟಿ, ವಿಶ್ವ ಸುಂದರಿ, ಐಶ್ವರ್ಯಾ ರೈ ಬಚ್ಚನ್‌ ” ಹೇಳಿಕೊಂಡಿದ್ದಾನೆ. 

“ನಾನು ಐಶ್ವರ್ಯಾ ರೈಬಚ್ಚನ್‌ಗೆ 1988ರಲ್ಲಿ ಲಂಡನ್‌ನಲ್ಲಿ ಐವಿಎಫ್ (ಇನ್‌ ವಿಟ್ರೋ ಫ‌ರ್ಟಿಲೈಸೇಶನ್‌) ಮೂಲಕ  ಜನಿಸಿದೆ; ನನ್ನನ್ನು ಪಾಲಿಸಿ ಪೋಷಿಸಿದವರು ಐಶ್ವರ್ಯಾ ಅವರ ಹೆತ್ತವರಾದ ವೃಂದಾ ಮತ್ತು ಕೃಷ್ಣ ರೈ’ ಎಂದು ಸಂಗೀತ್‌ ಕುಮಾರ್‌ ಹೇಳಿಕೊಂಡಿದ್ದಾನೆ. ಈತನ ಹೇಳಿಕೆಯನ್ನು ಪಿಂಕ್‌ವಿಲಾ ವರದಿ ಮಾಡಿದೆ. 

“ನನ್ನ ತಂದೆ ನನ್ನನ್ನು ಅನಂತರ ವಿಶಾಖಪಟ್ಟಣಕ್ಕೆ ಕರೆತಂದರು; ಅಲ್ಲಿಯ ಬಳಿಕ ನಾನು ಅವರೊಂದಿಗೆ ಇದ್ದೇನೆ” ಎಂದು 29ರ ಹರೆಯದ ಸಂಗೀತ್‌ ಕುಮಾರ್‌ ಹೇಳಿದ್ದಾನೆ. 

“ಐಶ್ವರ್ಯಾ ರೈ ನನ್ನ ಅಮ್ಮ ಎಂಬುದನ್ನು ಸಾಬೀತು ಪಡಿಸುವ ದಾಖಲೆ ಪತ್ರಗಳ ನಾಶಕ್ಕೆ ನನ್ನ ಸಂಬಂಧಿಕರೇ ಕಾರಣ’ ಎಂದು ಸಂಗೀತ್‌ ಕುಮಾರ್‌ ದೂರಿದ್ದಾನೆ. 

ಸಂಗೀತ್‌ ಕುಮಾರ್‌ ನ ಈ ಹೇಳಿಕೆಗೆ ಐಶ್ವರ್ಯಾ ರೈ ಪ್ರತಿಕ್ರಿಯಿಸುವರೇ; ಪ್ರತಿಕ್ರಿಯಿಸಿದಲ್ಲಿ ಅದು ಹೇಗಿದ್ದೀತು ಎಂಬ ಕುತೂಹಲ ಈಗ ಉಂಟಾಗಿದೆ.

ಪ್ರಸಿದ್ಧ ಸಿನಿಮಾ ಹೀರೋ, ಹೀರೋಯಿನ್‌ಗಳನ್ನು ನನ್ನ ಪತಿ, ಪತ್ನಿ ಎಂದು ಹೇಳಿಕೊಂಡವರ ಬಗ್ಗೆ ನಾವು ಈ ಹಿಂದೆಲ್ಲ ಓದಿದ್ದೇವೆ; ಆದರೆ ಪ್ರಸಿದ್ಧ ನಟಿ ಯೊಬ್ಬಳಿಗೆ ತಾನು ಐವಿಎಫ್ ಮೂಲಕ ಜನಿಸಿದೆ; ಆಕೆಯ ನನ್ನ ತಾಯಿ ಎಂದು ಹೇಳಿಕೊಂಡ ಪ್ರಕರಣ ಬಹುಷಃ ಇದೇ ಮೊದಲು ಇದ್ದೀತು !