ಅನನ್ಯ-ಆರ್ಯನ್ ವಾಟ್ಸ್ಯಾಪ್ ಚಾಟ್: ಡ್ರಗ್ಸ್ ಅಲ್ಲಂತೆ ಸಿಗರೇಟ್ ಅಂತೆ!?

ನವದೆಹಲಿ: ಆರ್ಯನ್ ಖಾನ್ ಜೊತೆಗೆ ಡ್ರಗ್ಸ್ ತೆಗೆದುಕೊಳ್ಳುತ್ತಿರಲಿಲ್ಲ. ಸಿಗರೇಟು ಸೇದುತ್ತಿದ್ದೆ ಎಂದು ಎನ್‍ಸಿಬಿ ವಿಚಾರಣೆಯ ವೇಳೆ ಬಾಲಿವುಡ್ ನಟಿ ಅನನ್ಯ ಪಾಂಡೆ ಹೇಳಿದ್ದಾರೆ.

ಅನನ್ಯ ಪಾಂಡೆ ಅವರನ್ನು ಡ್ರಗ್ಸ್ ಕೇಸ್ ವಿಚಾರದಲ್ಲಿ, ಎನ್‍ಸಿಬಿ ವಿಚಾರಣೆ ನಡೆಸುತ್ತಿದೆ. ಸತತ ಎರಡನೇ ದಿನದ ಸಮನ್ಸ್ ನೀಡಿದ್ದು, ಆರ್ಯನ್ ಜೊತೆಗಿನ ವಾಟ್ಸ್ಯಾಪ್ ಚಾಟ್ ಕುರಿತಾಗಿ ತೀವ್ರ ವಿಚಾರಣೆ ನಡೆಸುತ್ತಿದೆ.

ಮೆಸೆಜ್‍ಗಳು ಹಳೆಯದಾಗಿದ್ದು, ಎಲ್ಲವನ್ನೂ ನೆನಪಿನಲ್ಲಿಟ್ಟುಕೊಂಡಿಲ್ಲ. ನಾನು ಮಾದಕ ವಸ್ತುಗಳನ್ನು ಸೇವಿಸಿಲ್ಲ, ನನಗೆ ಯಾವುದೇ ಡ್ರಗ್ ಪೆಡ್ಲರ್ಸ್ ಗಳು ತಿಳಿದಿಲ್ಲ. ನನಗೂ ಈ ಪ್ರಕರಣಕ್ಕೂ ಯಾವುದೇ ರೀತಿ ಸಂಬಂಧ ಇಲ್ಲ ಎಂದು ಎನ್‍ಸಿಬಿ ವಿಚಾರಣೆ ವೇಳೆ ಹೇಳಿದ್ದಾರೆ.

ಆರ್ಯನ್ ಖಾನ್ ಹಾಗೂ ಅನನ್ಯ ಇವರಿಬ್ಬರ ವಾಟ್ಸ್ಯಾಪ್ ಚಾಟ್‍ಗಳು ಎಸ್‍ಸಿಬಿಗೆ ಲಭಿಸಿದ್ದು, ಸಂದೇಶದಲ್ಲಿ ಆರ್ಯನ್ ಖಾನ್ ಗಾಂಜಾ ವ್ಯವಸ್ಥೆ ಆಗಿದೆಯೆ? ಎಂದು ಅನನ್ಯಳಿಗೆ ಕೇಳಿದಾಗ, ಎಲ್ಲವೂ ರೆಡಿ ಇದೆ ಎಂದು ಮರುಸಂದೇಶ ಕಳುಹಿಸಿದ್ದಾಳೆ ಎಂದು ಹೇಳಲಾಗಿದೆ.

ಈ ಸಂದೇಶದ ಕುರಿತು ಎನ್‍ಸಿಬಿ ಅವರಲ್ಲಿ ಪ್ರಶ್ನಿಸಿದಾಗ, ಇದು ಕೇವಲ ತಮಾಷೆಗಾಗಿ ಕಳುಹಿಸಿದ ಸಂದೇಶ. ಬೇರೆ ಏನು ಇಲ್ಲ ಎಂದು ಸ್ಪಷ್ಟನೆ ನೀಡಿದ್ದಾಳೆ.

ಇದನ್ನೂ ಓದಿ:  ಶೆಟ್ಟಿ ನೀನು ಹುಡುಗಿ ತರ ಮಾತಾಡ್ತೀಯ

ಬಲ್ಲ ಮೂಲಗಳಿಂದ ಬಂದ ಮಾಹಿತಿಯ ಪ್ರಕಾರ, ಮಾದಕ ವಿರೋಧಿ ಏಜೆನ್ಸಿಗೆ ಬೇರೆ ಬೇರೆ ಸಂದರ್ಭಗಳಲ್ಲಿ ಡ್ರಗ್ಸ್ ವಿಚಾರವಾಗಿ ಮಾತನಾಡುತ್ತಿದ್ದ ಇವರಿಬ್ಬರ ಸಂದೇಶಗಳು ಎನ್‍ಸಿಬಿಗೆ ಲಭ್ಯವಾಗಿವೆ.

ಅ.21ರಂದು ಬಾಂದ್ರಾ ನಿವಾಸದಲ್ಲಿ ಸಂಕ್ಷಿಪ್ತ ಶೋಧ ಕಾರ್ಯಾಚರಣೆ ನಡೆಸಿದ ನಂತರ, ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿಯನ್ನು ತನಿಖೆಗೆ ಕರೆದಿತ್ತು. ಅಂದು ಸುಮಾರು ಎರಡು ಗಂಟೆಗಳ ಕಾಲ ವಿಚಾರಣೆ ನಡೆಸಿ, ಅನನ್ಯಳನ್ನು ಅಧಿಕಾರಿಗಳು ಬಿಡುಗಡೆಗೊಳಿಸಿದ್ದರು.