ದಿಲ್ಲಿಗೆ ಹೋಗುವುದಿಲ್ಲ: ಆನಂದ್‌ ಸಿಂಗ್‌

ಹೊಸಪೇಟೆ: ಮುಖ್ಯಮಂತ್ರಿಗೆ  ಎಲ್ಲ ವಿಚಾರವನ್ನೂ ತಿಳಿಸಿದ್ದೇನೆ. ಅವರು ಹೇಗೆ ಸಮಸ್ಯೆ ಬಗೆಹರಿಸುತ್ತಾರೆ ಎಂದು ಕಾದು ನೋಡೋಣ. ನಾನು ಈ ವಿಷಯದಲ್ಲಿ ದಿಲ್ಲಿಗೆ ಹೋಗಿ ವರಿಷ್ಠರನ್ನು ಭೇಟಿ ಯಾಗುವುದಿಲ್ಲ ಎಂದು ಪರಿಸರ ಹಾಗೂ ಪ್ರವಾಸೋದ್ಯಮ ಸಚಿವ ಆನಂದ್‌ ಸಿಂಗ್‌ ಹೇಳಿದರು.

ಕಚೇರಿ ಪುನರಾರಂಭ :

ಖಾತೆ ಬದಲಾವಣೆಗಾಗಿ ಮುನಿಸಿಕೊಂಡು ಮೂರು ದಿನಗಳ ಹಿಂದೆ ಮುಚ್ಚಿದ್ದ  ಆನಂದ್‌ ಸಿಂಗ್‌ ಅವರ ಕಚೇರಿ ಶುಕ್ರವಾರ ಪುನರಾರಂಭ ಗೊಂಡಿತು.  ಆದರೆ ಕೆಳಗಿಳಿಸಲಾಗಿದ್ದ ಬೋರ್ಡ್‌ ಅನ್ನು ಅಳವಡಿಸಲಾಗಿಲ್ಲ.