ಮುಂಬೈ: ಸೂಪರ್‌ಸ್ಟಾರ್‌ ಅಮಿತಾಭ್‌ ಬಚ್ಚನ್‌ ಅವರಿಗೆ ದೊಡ್ಡ ಮನುಷ್ಯರೊಬ್ಬರು “ಈ ವಯಸ್ಸಿನಲ್ಲಿ ಯಾಕ್ರೀ ದುಡೀತಿರಾ? ಮನೆಗೆ ಹೋಗಿ ಆರಾಮಾಗಿರಿ’ ಅನ್ನೋ ಸಲಹೆ ನೀಡಿದ್ದಾರೆ!
ಆ ದೊಡ್ಡ ಮನುಷ್ಯರ ವಯಸ್ಸೆಷ್ಟು ಗೊತ್ತೇ.. ಕೇವಲ ಐದು ವರ್ಷ! ಇದನ್ನು ಖುದ್ದು “ಬಿಗ್‌ ಬಿ’ ಅವರೇ ಹೇಳಿಕೊಂಡಿದ್ದಾರೆ! ಇತ್ತೀಚೆಗೆ, ಆರ್‌ಬಿಐನ ಜಾಹೀರಾತೊಂದರಲ್ಲಿ ಐದು ವರ್ಷದ ಮಗುವಿನೊಂದಿಗೆ ನಟಿಸುತ್ತಿದ್ದಾಗ ಆ ಮಗು ನಿಮ್ಮ ವಯಸ್ಸೆಷ್ಟು ಎಂದು ಕೇಳಿತಂತೆ.
ಅದಕ್ಕೆ ಅಮಿತಾಭ್‌, 80 ವರ್ಷ ಎಂದು ಹೇಳಿದರಂತೆ. ಅದಕ್ಕೆ ಆ ಮಗು, ನಮ್ಮನೆಯಲ್ಲಿ ನನ್ನ ಅಜ್ಜ-ಅಜ್ಜಿ ಮನೆಯಲ್ಲೇ ಆರಾಮಾಗಿ ಇರುತ್ತಾರೆ. ನೀವೂ ಹಾಗೇ ಇರಿ ಎಂದು ಹೇಳಿತಂತೆ. ಆತನಿಗೆ ಮರುಉತ್ತರ ಕೊಡಲು ಸಾಧ್ಯವಾಗಲಿಲ್ಲ ಅಂತ “ಬಿಗ್‌ ಬಿ’ ಹೇಳಿಕೊಂಡಿದ್ದಾರೆ.
