ನೆಕ್ಸಸ್‌ ಮಾಲ್‌ಗೆ ಸೂಪರ್‌ ಸ್ಟಾರ್‌ ಅಮಿತಾಭ್‌ ಬ್ರ್ಯಾಂಡ್ ಅಂಬಾಸಿಡರ್‌

ಮಂಗಳೂರು : ಬ್ಲಾಕ್‌ಸ್ಟೋನ್‌ ಎಸ್ಟೇಟ್‌ ರಿಯಲ್‌ ಎಸ್ಟೇಟ್‌ ಫಂಡ್ಸ್‌ ಮಾಲಕತ್ವದ ನೆಕ್ಸಸ್‌ ಮಾಲ್ಸ್‌ ತನ್ನ ಹ್ಯಾಪಿನೆಸ್‌ ಬ್ರ್ಯಾಂಡ್ ಅಂಬಾಸಿಡರ್‌ ಆಗಿ ಭಾರತದ ಹಿರಿಯ, ಪ್ರಸಿದ್ಧ ಸೂಪರ್‌ ಸ್ಟಾರ್‌ ಆಗಿರುವ ಅಮಿತಾಭ್‌ ಬಚ್ಚನ್‌ ಅವರನ್ನು ನಿಯೋಜಿಸಿದೆ. ಇದು ವಿಭಿನ್ನ ಹಾಗೂ ವಿರಳ ಒಪ್ಪಂದವಾಗಿದ್ದು ಗ್ರಾಹಕರಿಗೆ “ಪ್ರತೀ ದಿನ ಏನಾದರೂ ಹೊಸದು’ (ಹರ್‌ ದಿನ ನಯಾ) ಎಂಬ ಪರಿಕಲ್ಪನೆಯಡಿಯಲ್ಲಿ ರೂಪಿಸಲಾಗಿದೆ.

ಅಮಿತಾಭ್‌ ಅವರು ದೇಶದಲ್ಲೇ ಪ್ರಮುಖ ಸೆಲೆಬ್ರಿಟಿಯಾಗಿದ್ದು ಎಲ್ಲ ವಯೋಮಾನದವರಿಗೂ ಅಚ್ಚುಮೆಚ್ಚಿನವರಾಗಿದ್ದಾರೆ. ನಮ್ಮ ನೆಕ್ಸಸ್‌ ಮಾಲ್‌ ಕುಟುಂಬಕ್ಕೆ ಅಮಿತಾಭ್‌ ಅವರನ್ನು ಸ್ವಾಗತಿಸುವುದಕ್ಕೆ ಹರ್ಷಿಸುತ್ತೇವೆ ಎಂದು ನೆಕ್ಸಸ್‌ ಮಾಲ್‌ ಸಿಇಒ ದಲಿಪ್‌ ಸೆಹಗಲ್‌ ಹೇಳಿದ್ದಾರೆ.

ನೆಕ್ಸಸ್‌ ಮಾಲ್‌ ಅನ್ನು ಶಿಫಾರಸು ಮಾಡುವುದಕ್ಕೆ ನಾನೂ ಖುಷಿಯಾಗಿದ್ದೇನೆ, ಜತೆಯಾಗಿ ನಾವು ಗ್ರಾಹಕರು ಪ್ರತೀ ಬಾರಿ ಮಾಲ್‌ ಭೇಟಿ ಮಾಡುವಾಗಲೂ ಹೊಸದನ್ನು ನೀಡುವುದಕ್ಕೆ ಪ್ರಯತ್ನಿಸೋಣ ಎಂದು ಅಮಿತಾಭ್‌ ತಿಳಿಸಿದ್ದಾರೆ.

ಇದನ್ನೂ ಓದಿ: ಸೆನೆಗಲ್‌ ವಿರುದ್ಧ ಮೂರು ಗೋಲ್‌: ಇಂಗ್ಲೆಂಡ್‌ಗೆ ಚಾಂಪಿಯನ್‌ ಫ್ರಾನ್ಸ್‌  ಎದುರಾಳಿ