ಭಾರತದ ಮುಂದಿನ ಪ್ರಗತಿಯಲ್ಲಿ ಅಮೆರಿಕದ ಪಾತ್ರ ಮಹತ್ವದ್ದು: ಮೋದಿ

ವಾಷಿಂಗ್ಟನ್‌: ಭಾರತದ ಮುಂದಿನ 25 ವರ್ಷಗಳ ಪ್ರಗತಿಯಲ್ಲಿ ಅಮೆರಿಕದ ಪಾತ್ರ ಅತ್ಯಂತ ಮಹತ್ವದ್ದಾಗಿರಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಅಮೆರಿಕದ ರಾಜಧಾನಿ ವಾಷಿಂಗ್ಟನ್‌ನಲ್ಲಿ ಬುಧವಾರ ಭಾರತೀಯ-ಅಮೆರಿಕ ಸಮುದಾಯ ಸೇರಿ ಆಜಾದಿ ಕಾ ಅಮೃತ ಮಹೋತ್ಸವ ಆಚರಣೆ ನಡೆಸಿತು.ಈ ಹಿನ್ನೆಲೆಯಲ್ಲಿ ಮೋದಿ ಮೇಲಿನಂತೆ ಸಂದೇಶ ನೀಡಿದ್ದಾರೆ. ಭಾರತದ ಮುಂದಿನ ಪ್ರಗತಿಯಲ್ಲಿ ಅಮೆರಿಕದ ಪಾತ್ರ ಮಹತ್ವದ್ದಾಗಿರಲಿದೆ.

ಅಮೆರಿಕದ ರಾಜಧಾನಿಯಲ್ಲಿ ನಡೆದಿರುವ ಈ ಸಂಭ್ರಮಾಚರಣೆ ಎರಡೂ ದೇಶಗಳ ಸ್ನೇಹದಲ್ಲಿ ಬಲವಾದ ಮೈಲುಗಲ್ಲಾಗಲಿದೆ ಎಂದಿದ್ದಾರೆ. “ಭಾರತ ಎನ್ನುವ ಪದ ಏಕಕಾಲದಲ್ಲಿ ಹಲವು ವಿಷಯಗಳನ್ನು ಸಂಕೇತಿಸುತ್ತದೆ. ಆಧುನಿಕ ಪ್ರಜಾಪ್ರಭುತ್ವ ಒಕ್ಕೂಟ, ವೈವಿಧ್ಯಮಯ ದೇಶ, ಪ್ರಾಚೀನ ನಾಗರಿಕತೆ ಮತ್ತು ಭೌಗೋಳಿಕತೆ-ಸಮಯದ ಮಿತಿಯಿಲ್ಲದ ಸಾಂಸ್ಕೃತಿಕ ಪ್ರಜ್ಞೆಯನ್ನು ಸೂಚಿಸುತ್ತದೆ ಎನ್ನುವುದು ಮೋದಿಯವರ ಸಂದೇಶದ ತಿರುಳು.