13 ಗೋಲು ಬಾರಿಸಿದ ಅಮೆರಿಕ

ರೀಮ್ಸ್‌ (ಫ್ರಾನ್ಸ್‌): ವನಿತಾ ವಿಶ್ವಕಪ್‌ ಫ‌ುಟ್‌ಬಾಲ್‌ ಪಂದ್ಯಾವಳಿಯ “ಎಫ್’ ವಿಭಾಗದ ಪಂದ್ಯದಲ್ಲಿ ಅಮೆರಿಕ ಅಮೋಘ ಗೆಲುವು ಸಾಧಿಸಿದೆ. ಮಂಗಳವಾರ ರಾತ್ರಿ ಥಾಯ್ಲೆಂಡ್‌ ತಂಡವನ್ನು 13-0 ಗೋಲುಗಳಿಂದ ಬಗ್ಗುಬಡಿದಿದೆ.

ದಿನದ ಇನ್ನೊಂದು ಪಂದ್ಯದಲ್ಲಿ ಸ್ವೀಡನ್‌ 2-0 ಅಂತರದಿಂದ ಚಿಲಿ ತಂಡವನ್ನು ಮಗುಚಿತು. ಬುಧವಾರ “ಎ’ ವಿಭಾಗದ ಮುಖಾಮುಖೀಯೊಂದರಲ್ಲಿ ನೈಜೀರಿಯಾ 2-0 ಗೋಲುಗಳಿಂದ ದಕ್ಷಿಣ ಕೊರಿಯಾವನ್ನು ಸೋಲಿಸಿದೆ. ನೈಜೀರಿಯಾ ಮೊದಲ ಪಂದ್ಯದಲ್ಲಿ ನಾರ್ವೆಗೆ 3-0 ಅಂತರದಿಂದ ಶರಣಾಗಿತ್ತು.

ಅಮೆರಿಕ ಪರ ಅಲೆಕ್ಸಾಂಡ್ರಾ ಪ್ಯಾಟ್ರಿಸಿಯಾ ಮಾರ್ಗನ್‌ 4 ಗೋಲು ಸಿಡಿಸಿ ಥಾಯ್ಲೆಂಡ್‌ ಮೇಲರಗಿದರು.