ಭಾರತದಲ್ಲಿ ವಿಧ್ವಂಸಕ ಕೃತ್ಯ: ಅಮೆರಿಕ ಕಳವಳ

ವಾಷಿಂಗ್ಟನ್‌: ಜಮ್ಮು ಕಾಶ್ಮೀರದ ವಿಶೇಷ ಸ್ಥಾನಮಾನವನ್ನು ಭಾರತ ಹಿಂಪಡೆದ ಕಾರಣಕ್ಕಾಗಿ, ಪಾಕಿಸ್ಥಾನದಲ್ಲಿನ ಉಗ್ರವಾದಿಗಳು ಭಾರತದ ವಿರುದ್ಧ ಸೇಡು ತೀರಿಸಿಕೊಳ್ಳಲು ಹವಣಿಸುತ್ತಿದ್ದಾರೆ. ಹಾಗಾಗಿ, ಕಾಶ್ಮೀರ ಮತ್ತು ಭಾರತದ ಇತರೆಡೆ ದಾಳಿಗಳನ್ನು ನಡೆಸುವ ಸಾಧ್ಯತೆಗಳಿವೆ ಎಂದು ಅಮೆರಿಕ ಕಳವಳ ವ್ಯಕ್ತಪಡಿಸಿದೆ.

ಕಾಶ್ಮೀರ ವಿಚಾರದಲ್ಲಿ ಚೀನ ದೇಶ, ಪಾಕಿಸ್ಥಾನಕ್ಕೆ ನೀಡುತ್ತಿರುವ ಬೆಂಬಲ ವಿಚಾರದ ಬಗ್ಗೆ ವಾಷಿಂಗ್ಟ ನ್‌ನಲ್ಲಿ ನಡೆದ ಸಂವಾದ ಕಾರ್ಯ ಕ್ರಮದಲ್ಲಿ ಮಾತನಾಡಿದ ಅಮೆರಿಕ ಇಂಡೋ ಪೆಸಿಫಿಕ್‌ ಭದ್ರತಾ ವ್ಯವಹಾರಗಳ ಸಹಾಯಕ ಸಚಿವ ರಾಂಡಲ್‌ ಶ್ರಿವರ್‌ ಈ ರೀತಿಯ ಆತಂಕ ವಕ್ತಪಡಿಸಿದ್ದಾರೆ. ಕಾಶ್ಮೀರ ವಿಷಯದಲ್ಲಿ ಪಾಕಿಸ್ಥಾನಕ್ಕೆ ಚೀನ ನೀಡುತ್ತಿರುವ ಸಹಕಾರಗಳ ಕುರಿತಂತೆ ಮಾತನಾಡಿದ ಶ್ರಿವರ್‌, “”ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದಾದಾಗಿನಿಂದಲೂ ಚೀನ, ಪಾಕಿಸ್ಥಾನದ ಬೆನ್ನಿಗೆ ನಿಂತಿರುವುದು ನಿಜ. ಆದರೆ, ಅದು ಕೇವಲ ರಾಜ ತಾಂತ್ರಿಕ ನಡೆಗಳಿಗೆ ಸೀಮಿತವಾಗಿದೆ” ಎಂದಿದ್ದಾರೆ.