ವಾಹನಕ್ಕೆ ಬಡಿದ ಕಲ್ಲು: ಅಮರನಾಥ ಯಾತ್ರಿಗೆ ಗಾಯ, ಆಸ್ಪತ್ರೆಗೆ ದಾಖಲು

ಜಮ್ಮು : ರಸ್ತೆಗೆ ಉರುಳಿ ಬಂದ ಬಂಡೆಯೊಂದು ವಾಹನಕ್ಕೆ ಢಿಕ್ಕಿಯಾದ ಕಾರಣ ಆ ವಾಹನದಲ್ಲಿ ಪ್ರಯಾಣಿಸುತ್ತಿದ್ದ ಅಮರನಾಥ ಯಾತ್ರಿಯೊಬ್ಬರು ಗಾಯಗೊಂಡ ಘಟನೆ ಜಮ್ಮು ಕಾಶ್ಮೀರದ ರಾಮಬನ್‌ ಜಿಲ್ಲೆಯಿಂದ ವರದಿಯಾಗಿದೆ.

ಪಹಲ್‌ಗಾಂವ್‌ ಮತ್ತು ಬಲ್ತಾಲ್‌ ಮೂಲ ಶಿಬಿರಗಳತ್ತ ಯಾತ್ರಿಕರ ವಾಹನಗಳು ಸಾಲು ಸರತಿಯಲ್ಲಿ ಸಾಗುತ್ತಿದ್ದಾಗ ಈ ದುರ್ಘ‌ಟನೆ ನಡೆಯಿತು. ಟವೇರಾ ವಾಹನದಲ್ಲಿ ಪ್ರಯಾಣಿಸುತ್ತಿದ್ದ ಯಾತ್ರಿಗೆ ಗಾಯವಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಗಾಯಗೊಂಡ ಯಾತ್ರಿಯನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ ಮತ್ತು ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.