ಆಲ್‌ ಇಂಡಿಯಾ ಮೇಜರ್‌ ಪೋರ್ಟ್‌ ಟೇಬಲ್‌ ಟೆನಿಸ್‌

ಪಣಂಬೂರು: ನವಮಂಗಳೂರು ಬಂದರಿನ ಟೇಬಲ್‌ ಟೆನಿಸ್‌ ಕೋರ್ಟ್‌ನಲ್ಲಿ ನಡೆದ 41ನೇ ಆಲ್‌ ಇಂಡಿಯಾ ಮೇಜರ್‌ ಪೋರ್ಟ್‌ ಟೇಬಲ್‌ ಟೆನಿಸ್‌ ಕ್ರೀಡಾಕೂಟದಲ್ಲಿ ಮುಂಬಯಿ ಪೋರ್ಟ್‌ ತಂಡ ಚಾಂಪಿಯನ್‌ ಆಗಿ ಹೊರಹೊಮ್ಮಿದೆ. ದೀನ್‌ದಯಾಳ್‌ ಪೋರ್ಟ್‌ ತಂಡ ದ್ವಿತೀಯ ಸ್ಥಾನ ಮತ್ತು ಕೋಲ್ಕತ್ತ 3ನೇ ಸ್ಥಾನ ಗಳಿಸಿದೆ.

ಸಿಂಗಲ್‌ ಸ್ಪರ್ಧೆಯಲ್ಲಿ ಮುಂಬಯಿ ಪೋರ್ಟ್‌ನ ಪಂಕಜ್‌ ಕಡೂ ಪ್ರಥಮ, ವಿಶಾಖಪಟ್ಟಣಂ ಪೋರ್ಟ್‌ನ ಜಿವಿಎಸ್‌ ರಾಮರಾವ್‌ ರನ್ನರ್‌ ಆಪ್‌ ಪ್ರಶಸ್ತಿ ಪಡೆದರು. ಡಬಲ್ಸ್‌ನಲ್ಲಿ ಮುಂಬಯಿ, ದೀನ್‌ದಯಾಳ್‌ ಕ್ರಮವಾಗಿ ಪ್ರಥಮ ಮತ್ತು ದ್ವಿತೀಯ ಸ್ಥಾನಿಯಾಯಿತು. 45 ವರ್ಷ ಪ್ರಾಯದ ವಿಭಾಗದ ಸಿಂಗಲ್ಸ್‌ನಲ್ಲಿ ವಿಶಾಖಪಟ್ಟಣಂನ ಜಿವಿಎಸ್‌ ರಾಮರಾವ್‌, ಡಬಲ್ಸ್‌ ವಿಭಾಗದಲ್ಲಿ ದೀನ್‌ದಯಳ್‌ ಪೋಟ್‌ ಜಯ ಸಾಧಿಸಿತು.

ಹಿರಿಯರ ವಿಭಾಗದಲ್ಲಿ ಚೆನ್ನೈ ಪೋರ್ಟ್‌ನ ಜಾನ್‌ ಬೋಸ್ಕೋ, ಕೋಲ್ಕತ್ತಾ ಪೋರ್ಟ್‌ನ ಸಂಜಿಬ್‌, ಡಬಲ್ಸ್‌ನಲ್ಲಿ ಎನ್‌ ಎಂ ಪಿಟಿಯ ಎಂ.ಎ ಖಾನ್‌, ಸುನಿಲ್‌ ಫುರ್ಟಾಡೋ ಜಯಗಳಿಸಿದರೆ , ಚೆನ್ನೈ ದ್ವಿತೀಯ ಸ್ಥಾನಿಯಾಯಿತು.