ಏಲಿಯನ್ಸ್‌ ಆಕರ್ಷಣೆಗೆ ನಗ್ನ ಚಿತ್ರ!

ನ್ಯೂಯಾರ್ಕ್‌: ಅನ್ಯಗ್ರಹ ಜೀವಿಗಳನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ, ಮಾನವರ ನಗ್ನ ಚಿತ್ರಗಳನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲು ಮುಂದಾಗಿದೆ.

ಈ ಮೂಲಕ ಅನ್ಯಗ್ರಹ ಜೀವಿಗಳನ್ನು (ಏಲಿಯನ್ಸ್‌) ಆಕರ್ಷಿಸಲು ಹೊಸ ಪ್ರಯತ್ನ ನಡೆಸಿದೆ. “ಬೀಕನ್‌ ಇನ್‌ ದ ಗ್ಯಾಲೆಕ್ಸಿ’ ಎಂಬ ಯೋಜನೆಯಡಿ ಈ ಕ್ರಮಕ್ಕೆ ಚಿಂತನೆ ನಡೆಸಲಾಗಿದೆ.

ಗಣಿತಶಾಸ್ತ್ರ ಸಂಕೇತಗಳನ್ನು ಆಧರಿಸಿದ ಬೈನರಿ ಕೋಡ್‌ ಆಧಾರಿತ ಸಂದೇಶ ಏಲಿಯನ್ಸ್‌ಗೆ ಅರ್ಥವಾಗಬಹುದು ಎಂಬ ಆಶಾವಾದವನ್ನೂ ನಾಸಾ ವಿಜ್ಞಾನಿಗಳು ಹೊಂದಿದ್ದಾರೆ.

1972ರಲ್ಲಿ ಕೂಡ “ಪಯೋನಿ­ಯರ್‌ 10′ ಮತ್ತು 1973ರಲ್ಲಿ “ಪಯೋನಿಯರ್‌ 11′ ಯೋಜನೆಗಳ ಮೂಲಕ ಬಾಹ್ಯಾಕಾಶಕ್ಕೆ ಮಾನವರ ನಗ್ನ ಚಿತ್ರಗಳನ್ನು ಕಳುಹಿಸಲಾಗಿತ್ತು.