ಮುಂಬಯಿ: ತನ್ನ ಮಗಳಿಗಿಂತ ಸಣ್ಣ ವಯಸ್ಸಿನವಳೊಂದಿಗೆ ಡೇಟಿಂಗ್‌ ಮಾಡುತ್ತಿರುವ ವಿಚಾರಕ್ಕೆ ಟ್ರೋಲ್‌ಗೆ ಒಳಗಾಗಿದ್ದ ಹಾಲಿವುಡ್‌ ದಿಗ್ಗಜ ನಟ ಅಲ್ ಪಸಿನೋ 83ನೇ ವರ್ಷದಲ್ಲಿ ನಾಲ್ಕನೇ ಬಾರಿ ತಂದೆಯಾಗಲಿದ್ದಾರೆ.
ಹಾಲಿವುಡ್‌ ನಟ ಹಾಗೂ ನಿರ್ಮಾಪಕರಾಗಿ ಗುರುತಿಸಿಕೊಂಡಿರುವ, ಹಾಲಿವುಡ್‌ ನಲ್ಲಿ ದಿಗ್ಗಜರ ಸಾಲಿನಲ್ಲಿ ಕಾಣಿಸಿಕೊಳ್ಳುವ ಅಲ್ ಪಸಿನೋ ಅವರಿಗೆ ಈಗ 83 ವರ್ಷ. ಈ ವರ್ಷದಲ್ಲಿ ಅವರು ತಂದೆಯಾಗಲಿದ್ದಾರೆ.!
ಕಳೆದ ಕೆಲ ಸಮಯದಿಂದ, ಅಂದರೆ ಕೋವಿಡ್ ಅವಧಿಯಿಂದ ಅಲ್ ಪಸಿನೋ 29 ವರ್ಷದ ನೂರ್ ಅಲ್‌ಫಲ್ಲಾಹ್ ಎಂಬಾಕೆಯೊಂದಿಗೆ ಡೇಟಿಂಗ್‌ ನಲ್ಲಿದ್ದಾರೆ. ಅಲ್‌ಫಲ್ಲಾಹ್ ಅವರಿಗೆ ಅಲ್ ಪಸಿನೋ ಅವರ ತಂದೆಗಿಂತ ಹಿರಿಯರಾಗಿದ್ದಾರೆ. ಅಲ್ ಪಸಿನೋ ಅವರಿಗೆ ಅಲ್‌ಫಲ್ಲಾಹ್ ಅವರ 33 ವರ್ಷದ ಹಿರಿಯ ಮಗಳಿಗಿಂತ ದೊಡ್ಡವಳು. ಆದರೂ ಇವರಿಬ್ಬರ ನಡುವೆ ಪ್ರೇಮಾಂಕುರವಾಗಿದೆ.
ಇಬ್ಬರ ನಡುವಿನ ಸಂಬಂಧದ ಬಗ್ಗೆ ಅನೇಕ ಟ್ರೋಲ್‌, ಮಿಮ್ಸ್‌ ಗಳು ಹರಿದಾಡಿತ್ತು. ಆದರೆ ಈಗ ಇಬ್ಬರು ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂದು ಟಿಎಂಜೆಡ್‌ ವರದಿ ಮಾಡಿದೆ. ಅಲ್‌ಫಲ್ಲಾಹ್ ಈಗ 8 ತಿಂಗಳ ಗರ್ಭಿಣಿಯಾಗಿದ್ದಾರೆ. ನಟ ಅವರಿಗೆ ಅಲ್ ಪಸಿನೋ ಅವರಿಗಿಂದು ನಾಲ್ಕನೆ ಮಗುವಾಗಿರಲಿದೆ.
ಈ ಮೊದಲು ಅಲ್ ಪಸಿನೋ – ಜಾನ್ ಟ್ಯಾರಂಟ್ ಗೆ ಹೆಣ್ಣು ಮಗು ಹುಟ್ಟಿತು. ಇವರ ಮಗಳು ಜೂಲಿ ಮೇರಿಗೆ ಈಗ 33 ವರ್ಷವಾಗಿದೆ. ಮತ್ತೊಂದು ಪ್ರಿಯತಮೆ ಬೆವೆರ್ಲಿ ಡಿ ಏಂಜೆಲೋರಿಂದ ಅಲ್ ಪಸಿನೋ ಆಂಟನ್ ಹಾಗೂ ಒಲಿವಿಯಾ ಎಂಬ ಇಬ್ಬರು ಅವಳಿ ಜವಳಿ ಮಕ್ಕಳನ್ನು ಹೊಂದಿದ್ದಾರೆ.
ಈ ಹಿಂದೆ ಅಲ್‌ಫಲ್ಲಾಹ್ 74 ವರ್ಷದ ಮಿಕ್ ಜಾಗರ್ ಎಂಬುವವರೊಂದಿಗೆ ಡೇಟಿಂಗ್‌ ನಲ್ಲಿದ್ದಳು. ಆ ವೇಳೆ ಆಕೆಗೆ 22 ವರ್ಷವಾಗಿತ್ತು. 60 ವರ್ಷದ ಬಿಲಿಯನೇರ್ ನಿಕೋಲಸ್ ಬರ್ಗ್ರುಯೆನ್ ರೊಂದಿಗೂ ಒಂದಷ್ಟು ದಿನಗಳ ಕಾಲ ಸುತ್ತಾಡಿದ್ದಳು.
