Advertisement

ಆಕಾಂಕ್ಷಾ ದುಬೆ ಪ್ರಕರಣ: ಮಗಳ ಸಾವಿಗೆ ಇವರಿಬ್ಬರೇ ಕಾರಣವೆಂದ ತಾಯಿ

03:57 PM Mar 27, 2023 | Team Udayavani |

ಪಾಟ್ನಾ: ಭೋಜ್‌ ಪುರಿ ಸಿನಿಮಾ ರಂಗದ ನಟಿ ಆಕಾಂಕ್ಷಾ ದುಬೆ ಆತ್ಮಹತ್ಯೆ ಪ್ರಕರಣಕ್ಕೆ ತಿರುವು ಸಿಕ್ಕಿದೆ. ನಟಿಯ ತಾಯಿ ತನ್ನ ಮಗಳ ಸಾವಿಗೆ ಕಾರಣ ಇವರೇ ಕಾರಣವೆಂದು ಇಬ್ಬರ ಮೇಲೆ ಆರೋಪ ಮಾಡಿದ್ದಾರೆ.

Advertisement

ಭಾನುವಾರ (ಮಾ.26 ರಂದು) ಸಿನಿಮಾದ ಶೂಟಿಂಗ್‌ ಗಾಗಿ ವಾರಣಾಸಿಯ ಖಾಸಗಿ ಹೊಟೇಲ್‌ ನಲ್ಲಿ ತಂಗಿದ್ದ ಆಕಾಂಕ್ಷಾ ಆತ್ಮಹತ್ಯೆ ಮಾಡಿಕೊಂಡಿರುವ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ಪೊಲೀಸರು ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ವಿವಿಧ ಆಯಾಮದಲ್ಲಿ ತನಿಖೆ ನಡೆಸುತ್ತಿದ್ದಾರೆ.

ಇದೀಗ ನಟಿಯ ತಾಯಿ ಮಧು ದುಬೆ ತನ್ನ ಮಗಳ ಸಾವಿಗೆ ಭೋಜ್‌ ಪುರಿ ಗಾಯಕ ಸಮರ್ ಸಿಂಗ್ ಮತ್ತು ಅವರ ಸಹೋದರ ಸಂಜಯ್ ಸಿಂಗ್ ಕಾರಣವೆಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ: ಆಕಾಂಕ್ಷಾ ದುಬೆ ಬಳಿಕ ಮತ್ತೊಂದು ಘಟನೆ: ನೇಣು ಬಿಗಿದ ಸ್ಥಿತಿಯಲ್ಲಿ ಯುವ ನಟಿ ಪತ್ತೆ

ಕಳೆದ ಮೂರು ವರ್ಷಗಳಿಂದ ಮಗಳು ಮಾಡಿದ ಕೆಲಸಕ್ಕೆ ಕೋಟಿಗಟ್ಟಲೆ ಹಣ ಬರುವುದು ಬಾಕಿಯಿದೆ. ಈ ಹಣವನ್ನು ಸಮರ್ ಸಿಂಗ್ ಮತ್ತು ಅವರ ಸಹೋದರ ಸಂಜಯ್ ಸಿಂಗ್ ನೀಡುತ್ತಿಲ್ಲ ಎಂದು ಮಗಳು ಮಾ. 21 ರಂದು ನನ್ನ ಬಳಿ ಹೇಳಿದ್ದಳು. ಇದಲ್ಲದೇ ತನ್ನನು ಸಂಜಯ್ ಸಿಂಗ್ ಕೊಲೆ ಮಾಡುವ ಬೆದರಿಕೆಯನ್ನು ಹಾಕಿದ್ದಾರೆ ಎಂದು ಮಗಳು ನನ್ನ ಬಳಿ ಫೋನ್‌ ಕಾಲ್‌ ನಲ್ಲಿ ಹೇಳಿದ್ದಳು. ನನ್ನ ಮಗಳ ಸಾವಿಗೆ ಇವರಿಬ್ಬರೇ ಕಾರಣವೆಂದು ನಟಿಯ ತಾಯಿ ಆರೋಪಿಸಿದ್ದಾರೆ.

Advertisement

ಆಕಾಂಕ್ಷಾ ಸಾವಿನ ಕೆಲ ಸಮಯದ ಹಿಂದೆ ಇನ್ಸ್ಟಾಗ್ರಾಮ್‌ ನಲ್ಲಿ ಲೈವ್‌ ಬಂದಿದ್ದರು. ಈ ವೇಳೆ ಅಳುತ್ತಿದ್ದಳು ಎನ್ನಲಾದ ವಿಡಿಯೊಂದು ವೈರಲ್‌ ಆಗಿದೆ.

2018 ರಲ್ಲಿ ಆಕಾಂಕ್ಷಾ ಖಿನ್ನತೆಗೆ ಒಳಗಾಗಿದ್ದರು. ನಟನೆಯಿಂದ ಬ್ರೇಕ್‌ ಪಡೆದು ಮತ್ತೆ ಬಣ್ಣದ ಲೋಕಕ್ಕೆ ಕಾಲಿಟ್ಟಿದ್ದರು. ಈ ಸಮಯದಲ್ಲಿ ನಟಿಗೆ ತಾಯಿ ಮಾನಸಿಕವಾಗಿ ಬೆಂಬಲವಾಗಿ ನಿಂತಿದ್ದರು ಎಂದು ‘ಆಜ್ ತಕ್’ ವರದಿ ತಿಳಿಸಿದೆ.

ʼ ಮೇರಿ ಜಂಗ್ ಮೇರಾ ಫೈಸ್ಲಾʼ ,ʼಮುಜ್ಸೆ ಶಾದಿ ಕರೋಗಿʼ (ಭೋಜ್‌ಪುರಿ), ʼ ಈರಾನ್ ಕೆ ವೀರ್ʼ, ʼಫೈಟರ್ ಕಿಂಗ್ʼ ಮುಂತಾದ ಚಿತ್ರಗಳಲ್ಲಿ ನಟಿಸಿ ಸಣ್ಣ ವಯಸ್ಸಿನಲ್ಲೇ ಬಹಳ ಖ್ಯಾತಿಯನ್ನು ಪಡೆದಿದ್ದರು.

 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next