ರಾಜ್ಯಗಳ ಒಪ್ಪಿಗೆ ಸಿಕ್ಕಿದ ಬಳಿಕ ವಿಮಾನ ಸಂಚಾರ: ಸಿಂಗ್‌ಪುರಿ

ವಿಮಾನ ಸಂಚಾರ ಶುರು ಮಾಡಲು ರಾಜ್ಯ ಸರಕಾರ‌ಗಳ ಅನುಮತಿಗಾಗಿ ಕಾಯಲಾಗುತ್ತಿದೆ. ವಿಮಾನ ಸಂಸ್ಥೆಗಳು, ನಾಗರಿಕ ವಿಮಾನಯಾನ ಸಚಿವಾಲಯ ಸಂಚಾರ ಶುರು ಮಾಡಲು ಸಿದ್ಧವಾಗಿಯೇ ಇವೆ ಎಂದು ಸಚಿವ ಹರ್‌ದೀಪ್‌ ಸಿಂಗ್‌ಪುರಿ ಟ್ವೀಟ್‌ ಮಾಡಿದ್ದಾರೆ. ಸಹಕಾರ ಒಕ್ಕೂಟ ತತ್ವದ ಆಧಾರದಲ್ಲಿ ನಾವು ಕೆಲಸ ಮಾಡುತ್ತಿದ್ದೇವೆ. ಹೀಗಾಗಿ, ರಾಜ್ಯಗಳ ಸಹಕಾರ ಮುಖ್ಯವೆಂದಿದ್ದಾರೆ ನಾಗರಿಕ ವಿಮಾನ ಸಚಿವ. ಇದೇ ವೇಳೆ, ದೇಶದ ಪ್ರಮುಖ ವಿಮಾನಯಾನ ಸಂಸ್ಥೆಗಳು ಮುಂದಿನ ತಿಂಗಳು ದೇಶೀಯ ವಿಮಾನ ಪ್ರಯಾಣದ ಟಿಕೆಟ್‌ ಬುಕಿಂಗ್‌ ವ್ಯವಸ್ಥೆಯನ್ನು ಆರಂಭಿಸಲಿವೆ ಎಂದು ಮೂಲಗಳು ತಿಳಿಸಿವೆ. ಕೋವಿಡ್ ಹಿನ್ನೆಲೆಯಲ್ಲಿ ದೇಶೀಯ ಮತ್ತು ಅಂತಾರಾಷ್ಟ್ರೀಯ ವಿಮಾನ ಸಂಚಾರ ರದ್ದು ಮಾಡಲಾಗಿದೆ. ಜೂ.1ರಿಂದ ದೇಶೀಯ ವಿಮಾನ ಸಂಚಾರಕ್ಕೆ ಅನುಮತಿ ಸಿಗಲಿದೆ ಎಂಬ ನಿರೀಕ್ಷೆಯಲ್ಲಿ ವಿಮಾನಯಾನ ಕಂಪೆನಿಗಳಿವೆ.