TDP ಮುಖಂಡನ ಹತ್ಯೆಗೆ ನೆರವು: ಇಬ್ಬರು ಪೊಲೀಸರ ಅಮಾನತು

ಕೋಲಾರ: ನೆರೆಯ ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ತೆಲುಗು ದೇಶಂ ಪಕ್ಷ (ಟಿಡಿಪಿ)ದ ಮುಖಂಡನ ಕೊಲೆಗೆ ತಾಂತ್ರಿಕ ಮಾಹಿತಿ ನೀಡಿ ಸಹಕರಿಸಿದ ಆರೋಪದ ಮೇರೆಗೆ ಕೋಲಾರ ಗ್ರಾಮಾಂತರ ಠಾಣೆ ಅಪರಾಧ ವಿಭಾಗದ ಕಾನ್‌ಸ್ಟೆಬಲ್‌ ವಿನಾಯಕ ಮತ್ತು ಎಸ್‌.ಪಿ. ಕಚೇರಿಯ ತಾಂತ್ರಿಕ ವಿಭಾಗದ ನೌಕರ ನಾಗರಾಜ್‌ ಅವರನ್ನು ಅಮಾನತು ಮಾಡಲಾಗಿದೆ.

ಟಿಡಿಪಿ ಮುಖಂಡ ರಘುಚಂದ್ರ ಗುಪ್ತ ಕೊಲೆ ಸಂಚಿನಲ್ಲಿ ಭಾಗಿಯಾಗಿ, ಅವರ ಕರೆ ಮಾಹಿತಿ ಹಾಗೂ ಲೊಕೇಶನ್‌ ವಿವರಗಳನ್ನು ರಾಜಕೀಯ ವಿರೋಧಿಗಳಿಗೆ ಈ ಇಬ್ಬರು ಒದಗಿಸಿದ್ದರು. ಆದರೆ ಕೊಲೆ ಪ್ರಯತ್ನದಿಂದ ರಘುಚಂದ್ರ ಗುಪ್ತ ಪಾರಾಗಿದ್ದರು.