AI News: 100 ಭಾಷೆಗಳ ಅನುವಾದಕ್ಕೂ ಸೈ!

ದೇಶ-ವಿದೇಶಗಳ ಪ್ರಯಾಣದಲ್ಲಿ ಪ್ರಮುಖ ಪಾತ್ರ ವಹಿಸುವುದೇ ಭಾಷೆ ! ಯಾವುದೋ ರಾಷ್ಟ್ರದ ಯಾವುದೋ ಊರಿನ ಭಾಷೆಗೆ ನಮ್ಮ ಭಾವವನ್ನ ಅನುವಾದಿಸಿ, ಅರ್ಥೈಸುವುದು ಕಷ್ಟ ಸಾಧ್ಯ. ಈಗಿರುವ ತಂತ್ರಜ್ಞಾನವುಕೆಲ ಸೀಮಿತ ಭಾಷೆಗೆ ಅನ್ವಯಿಸುತ್ತಾದರೂ, ಬರೆಯಲು, ಓದಲು ಬಾರದವರಿಗೆ ಅದರ ಪ್ರಯೋಜನವೂ ಅಷ್ಟಕ್ಕಷ್ಟೇ.. ಆದರೀಗ ಕೃತಕ ಬುದ್ಧಿಮತ್ತೆ ಚಾಲಿತ ಸೀಮ್‌ಲೆಸ್‌ ಎಂ4ಟಿ ಎನ್ನುವ ತಂತ್ರಜ್ಞಾನ ಈ ಸಮಸ್ಯೆಗೆ ಪರಿಹಾರ ತಂದಿದೆ.

ಬರಹದಿಂದ ಬರಹಕ್ಕೆ, ಬರಹದಿಂದ -ಮಾತಿಗೆ, ಮಾತಿನಿಂದ -ಮಾತಿಗೆ ಹೀಗೆ ಯಾವುದೇ ಮೂಲದಲ್ಲಿ ನೀವು ವಿಚಾರವನ್ನು ಹೇಳಿದರೆ ಸಾಕು, ಅದನ್ನು ನಿಮಗೆ ಬೇಕಾದ ಭಾಷೆಗೆ ಕರಾರುವಕ್ಕಾಗಿ ಅನುವಾದಿಸಲಿದೆ. ಸರಿ ಸುಮಾರು 100 ಭಾಷೆಗಳಿಗೆ ಅನುವಾದಿಸುವ ಸಾಮರ್ಥ್ಯವನ್ನು ಸೀಮ್‌ಲೆಸ್‌ ಎಂ4ಟಿ ಹೊಂದಿದ್ದು, ಮೆಟಾ ಎಐ ಸಂಸ್ಥೆ ಇದನ್ನು ಪರಿಚಯಿಸಿದೆ.