Superbleed: ಸೂಪರ್‌ಬ್ಲಿಡ್‌ನಿಂದ ವೃದ್ಧಾಪ್ಯ ಇಳಿಕೆ?

ವಾಷಿಂಗ್ಟನ್‌: ವೃದ್ಧಾಪ್ಯವನ್ನು ಯೌವನಕ್ಕೆ ಬದಲಿಸಲು ಹೊರಟಿರುವ ಸಾಫ್ಟ್ವೇರ್‌ ಕೋಟ್ಯಧಿಪತಿ ಬ್ರ್ಯಾನ್‌ ಜಾನ್ಸನ್‌, ಅವರ ಸೂಪರ್‌ ಬ್ಲಿಡ್‌ನಿಂದಾಗಿ ತಮ್ಮ ತಂದೆಯ ವಯಸ್ಸನ್ನೂ 25 ವರ್ಷ ಇಳಿಸಿರುವುದಾಗಿ ಜಾಲತಾಣಗಳಲ್ಲಿ ಹೇಳಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ವಯಸ್ಸನ್ನು ಕಡಿಮೆ ಮಾಡಿಕೊಳ್ಳುವುದಕ್ಕಾಗಿ ಪ್ರತೀ ವರ್ಷ 2 ದಶಲಕ್ಷ ಡಾಲರ್‌ಗಳನ್ನು ವೈದ್ಯಕೀಯ ಚಿಕಿತ್ಸೆಗಾಗಿ ವೆಚ್ಚ ಮಾಡುತ್ತಿರುವುದಕ್ಕಾಗಿ ಬ್ರ್ಯಾನ್ಸ್‌ ಸುದ್ದಿಯಾಗಿದ್ದರು.

ಈ ಬೆನ್ನಲ್ಲೇ ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿರುವ ಅವರು ” ವೃದ್ಧಾಪ್ಯದತ್ತ ವೇಗವಾಗಿ ಓಡುತ್ತಿದ್ದ ತನ್ನ ತಂದೆಯ ವಯಸ್ಸನ್ನು (71 ವರ್ಷ) – 25 ವರ್ಷ ಕಡಿಮೆಗೊಳಿಸಿದ್ದೇನೆ. ನನ್ನ 1 ಲೀಟರ್‌ ಪ್ಲಾಸ್ಮಾವನ್ನು ಅವರ ದೇಹಕ್ಕೆ ನೀಡಿರುವುದರಿಂದ ಇದು ಸಾಧ್ಯವಾಗಿದೆ. ಪ್ರಕ್ರಿಯೆಯಲ್ಲಿ ಅವರ ದೇಹದ 600 ಮಿಲಿ ಲೀಟರ್‌ ಪ್ಲಾಸ್ಮಾ ಹೊರತೆಗೆಯಲಾಗಿದೆ. ಈ ಪ್ರಕ್ರಿಯೆಗೆ ಜಾಗರೂಕತೆ ಅಗತ್ಯವಾಗಿದ್ದು, ಫ‌ಲಿತಾಂಶವು ಕೂಡ ಕೆಲವು ಮಿತಿಗಳನ್ನು ಆಧರಿಸಲಿದೆ’ ಎಂಬುದಾಗಿಯೂ ತಿಳಿಸಿದ್ದಾರೆ.