ಆ್ಯಪಲ್‌ ಏರ್‌ಪಾಡ್ಸ್‌ ಭಾರತದಲ್ಲೇ ನಿರ್ಮಾಣ

ನವದೆಹಲಿ: ಆ್ಯಪಲ್‌ ಸಂಸ್ಥೆಯ ಏರ್‌ಪಾಡ್‌ಗಳು ಇನ್ನು ಮುಂದೆ ಭಾರತದಲ್ಲಿಯೇ ನಿರ್ಮಾಣವಾಗಲಿವೆ ಎಂದು ಮಾಹಿತಿ ಮತ್ತು ತಂತ್ರಜ್ಞಾನ ಸಚಿವಾಲಯ ತಿಳಿಸಿದೆ ಎಂದು “ಸಿಎನ್‌ಬಿಸಿ ಟಿವಿ18′ ವರದಿ ಮಾಡಿದೆ.

ಸಂಸ್ಥೆಯು ಈಗಾಗಲೇ ಐಫೋನ್‌ 13 ಅನ್ನು ಭಾರತದಲ್ಲಿ ಉತ್ಪಾದಿಸುತ್ತಿದೆ. ಕಳೆದ ಐದು ತಿಂಗಳಲ್ಲೇ 1 ಬಿಲಿಯನ್‌ ಡಾಲರ್‌ ಮೌಲ್ಯದ ಫೋನುಗಳನ್ನು ಭಾರತದಿಂದ ರಫ್ತು ಮಾಡಿದೆ. ಇನ್ನು 12 ತಿಂಗಳುಗಳಲ್ಲಿ 2.5 ಬಿಲಿಯನ್‌ ಡಾಲರ್‌ ಮೌಲ್ಯದ ಫೋನು ರಫ್ತು ಮಾಡುವ ಗುರಿಯಿದೆ.

ಈಗ ಏರ್‌ ಡಾಪ್‌ ಗಳನ್ನೂ ಭಾರತದಲ್ಲೇ ನಿರ್ಮಿಸಲಾಗುವುದು ಎಂದು ತಿಳಿಸಲಾಗಿದೆ. ಐಫೋನ್‌ 14 ಅನ್ನೂ ಭಾರತದಲ್ಲಿ ನಿರ್ಮಿಸುವ ಪ್ರಸ್ತಾಪವನ್ನು ಸಂಸ್ಥೆ ಕೆಲ ದಿನಗಳ ಹಿಂದೆ ಮಾಡಿತ್ತು.