Darshan:‌ ಜಾಮೀನು ಹಿನ್ನೆಲೆ: ಮತ್ತೆ ಕೋರ್ಟ್‌ಗೆ ಹಾಜರಾದ ದರ್ಶನ್

ಬೆಂಗಳೂರು: ಬೆನ್ನುನೋವಿನಿಂದ ಆಸ್ಪತ್ರೆಗೆ ದಾಖಲಾಗಿದ್ದ ನಟ ದರ್ಶನ್‌ (Darshan) ಒಂದುವರೆ ತಿಂಗಳ ಬಳಿಕ ವೈದ್ಯರಿಂದ ಅನುಮತಿ ಪಡೆದು ಆಸ್ಪತ್ರೆಯಿಂದ ಹೊರಬಂದು ಕೋರ್ಟ್‌ಗೆ ಹಾಜರಾಗಿದ್ದಾರೆ.

ರೇಣುಕಾಸ್ವಾಮಿ ಕೊಲೆ (Renukaswamya Case) ಪ್ರಕರಣದಲ್ಲಿ ಬಳ್ಳಾರಿ ಜೈಲಿನಲ್ಲಿದ್ದ ದರ್ಶನ್‌ ಅವರಿಗೆ ವಿಪರೀತ ಬೆನ್ನುನೋವು ಉಂಟಾದ ಕಾರಣ ಹೈಕೋರ್ಟ್‌ ಮೆಡಿಕಲ್‌ ಗ್ರೌಂಡ್ಸ್‌  ಮೇಲೆ ಮಧ್ಯಂತರ ಜಾಮೀನು ನೀಡಿತ್ತು. ಇದಾದ ಬಳಿಕ ಅವರು ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು.

ದರ್ಶನ್‌ ಅವರಿಗೆ ಸರ್ಜರಿಯ ಅಗತ್ಯವಿತ್ತು. ಆದರೆ ಕೆಲ ಆರೋಗ್ಯ ಸಮಸ್ಯೆ ಇದ್ದ ಕಾರಣ ಅವರ ಸರ್ಜರಿಯನ್ನು ಮುಂದೂಡುತ್ತಾ ಬರಲಾಗಿತ್ತು. ದರ್ಶನ್‌ ಇದುವರೆಗೆ ಸರ್ಜರಿ ಮಾಡಿಸಿಲ್ಲ.

ಮೊನ್ನೆಯಷ್ಟೇ ಅವರಿಗೆ ಹೈಕೋರ್ಟ್‌ ಪೂರ್ಣ ಪ್ರಮಾಣದ ಜಾಮೀನು ನೀಡಿದೆ. ಜಾಮೀನು ಸಿಗುತ್ತಿದ್ದಂತೆಯೇ ʼದಾಸʼ ಸೋಮವಾರ (ಡಿ.16ರಂದು) ಕೆಂಗೇರಿಯ ಬಿಜಿಎಸ್‌ ಆಸ್ಪತ್ರೆಯಿಂದ ಸೆಷನ್ಸ್ ಕೋರ್ಟ್‌ಗೆ ತೆರಳಿದ ಅವರು ಶ್ಯೂರಿಟಿ ಬಾಂಡ್‌ಗೆ ಸಹಿ ಹಾಕಿದ್ದಾರೆ.

ಪತ್ನಿ ವಿಜಯಲಕ್ಷ್ಮೀ, ಧನ್ವೀರ್‌ ಜತೆ ಕಾರಿನಲ್ಲಿ ದರ್ಶನ್‌ ಕೋರ್ಟ್‌ಗೆ ತಲುಪಲಿದ್ದಾರೆ.  ಇನ್ನು 2-3 ದಿನಗಳ ಕಾಲ ದರ್ಶನ್‌ ಆಸ್ಪತ್ರೆಯಲ್ಲೇ ಇರಲಿದ್ದು, ಆ ಬಳಿಕ ಡಿಸ್ಚಾರ್ಜ್‌ ಆಗಲಿದ್ದಾರೆ ಎನ್ನಲಾಗಿದೆ.

ಮೂಲಗಳ ಪ್ರಕಾರ ದರ್ಶನ್‌ ಅವರು ಸರ್ಜರಿ ಮಾಡಿಸಿಕೊಳ್ಳದೆಯೇ ಫಿಸಿಯೋ ಥೆರಪಿ ಮೂಲಕವೇ ಚಿಕಿತ್ಸೆ ಪಡೆಯಲಿದ್ದಾರೆ ಎಂದು ಹೇಳಲಾಗುತ್ತಿದೆ.