ಕಣ್ಣೂರು, ವಯನಾಡ್‌ನ‌ಲ್ಲಿ ಆಫ್ರಿಕನ್‌ ಹಂದಿಜ್ವರ ದೃಢ

ಕಣ್ಣೂರು/ನವದೆಹಲಿ: ಮಂಕಿಪಾಕ್ಸ್‌ನಿಂದ ವ್ಯಕ್ತಿ ದೃಢಪಟ್ಟ ಬೆನ್ನಲ್ಲಿಯೇ ಕೇರಳದಲ್ಲಿ ಮತ್ತೆ ಹಂದಿಜ್ವರದ ಪ್ರಕರಣಗಳು ಪತ್ತೆಯಾಗಿವೆ.

ಹೊಸತಾಗಿ ವಯನಾಡ್‌ ಜಿಲ್ಲೆಯಲ್ಲಿ ಮತ್ತು ಕಣ್ಣೂರು ಜಿಲ್ಲೆಯಲ್ಲಿ ಮೊದಲ ಬಾರಿಗೆ ಕೇಸುಗಳು ಖಚಿತಪಟ್ಟಿವೆ. ವಾರದ ಹಿಂದಷ್ಟೇ ವಯನಾಡ್‌ ಜಿಲ್ಲೆಯಲ್ಲಿ ಹಂದಿಜ್ವರದ ಕಾರಣ ಮುಂದಿಟ್ಟುಕೊಂಡು 300ಕ್ಕೂ ಅಧಿಕ ಹಂದಿಗಳನ್ನು ಕೊಲ್ಲಲಾಗಿತ್ತು.

ಈ ಹಿನ್ನೆಲೆಯಲ್ಲಿ ಜಿಲ್ಲಾ ಪಶುಸಂಗೋಪನಾ ಇಲಾಖೆ ಮತ್ತು ಜಿಲ್ಲಾಡಳಿತಗಳು ಮುನ್ನೆಚ್ಚರಿಕೆ ಕ್ರಮ ಕೈಗೊಳ್ಳಲು ತೀರ್ಮಾನಿಸಿವೆ ಮತ್ತು ಎರಡೂ ಜಿಲ್ಲಾಡಳಿತಗಳು ಸಭೆ ನಡೆಸಿ ಪರಿಸ್ಥಿತಿಯ ಪರಾಮರ್ಶೆ ನಡೆಸಿವೆ.

ಈ ನಡುವೆ, ದೇಶದಲ್ಲಿ ಮಂಕಿಪಾಕ್ಸ್‌ನ ಐದು ಕೇಸುಗಳು ದೃಢಪಟ್ಟಿರುವ ಹಿನ್ನೆಲೆಯಲ್ಲಿ ನೀತಿ ಆಯೋಗದ ಸದಸ್ಯ ಡಾ.ವಿ.ಕೆ.ಪೌಲ್‌ ನೇತೃತ್ವದಲ್ಲಿ ಉನ್ನತಮಟ್ಟದ ಟಾಸ್ಕ್ಫೋರ್ಸ್‌ ಅನ್ನು ಕೇಂದ್ರ ಸರ್ಕಾರ ರಚಿಸಿದೆ.