ಮುಂದುವರಿದ ವರಾಹ ಕಾರ್ಯಾಚರಣೆ

ದಾವಣಗೆರೆ: ನಗರದಲ್ಲಿ ಕೈಗೊಂಡಿರುವ ಹಂದಿಗಳ ಹಿಡಿಯುವ ಮೂರನೇ ಹಂತದ ಕಾರ್ಯಾಚರಣೆ ಗುರುವಾರ ಆರಂಭವಾಗಿದೆ. ತಮಿಳುನಾಡಿನ ಹಂದಿ ಹಿಡಿಯುವ 25 ಜನರ ತಂಡ, ಮಹಾನಗರಪಾಲಿಕೆ ಅಧಿಕಾರಿಗಳು ಹಾಗೂ ಪೊಲೀಸ್‌ ಬಿಗಿ ಬಂದೋಬಸ್ತ್ನೊಂದಿಗೆ ಬೆಳಿಗ್ಗೆ ಹಂದಿಗಳ ಕಾರ್ಯಾಚರಣೆ ನಡೆದಿದೆ.

ವಿಮಾನಮಟ್ಟಿ ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಸರ್ವೀಸ್‌ ರಸ್ತೆ, ವಿದ್ಯಾನಗರ, ತರಳಬಾಳು ಬಡಾವಣೆ, ನಿಟುವಳ್ಳಿ ದುರ್ಗಾಂಬಿಕಾ ದೇವಸ್ಥಾನ ರಸ್ತೆ, ಸರಸ್ವತಿ ನಗರ, ಜೈ ನಗರ ಮುಂತಾದ ಕಡೆ ಕಾರ್ಯಾಚರಣೆ ನಡೆಸಿ 200ಕ್ಕೂ ಹೆಚ್ಚು ಹಂದಿಗಳನ್ನು ಹಿಡಿದು, ಅವುಗಳನ್ನ ಸಾಗಿಸಲಾಗಿದೆ. ಪಾಲಿಕೆ ಆರೋಗ್ಯಾಧಿಕಾರಿ ಚಂದ್ರಶೇಖರ್‌ ಸುಂಕದ್‌ ತಂಡ ಹಾಗೂ ಒಂದು ಡಿಆರ್‌ಆರ್‌ ವಾಹನದ ಪೊಲೀಸ್‌ ಸಿಬ್ಬಂದಿ ಕಾರ್ಯಾಚರಣೆ ನೇತೃತ್ವ ವಹಿಸಿದ್ದರು.