ಸಪ್ತಪದಿ ತುಳಿದ ಸುಮನ್‌ ರಂಗನಾಥ್‌

ಬೆಂಗಳೂರು: ಕನ್ನಡ ಸೇರಿ ಹಲವು ಭಾಷೆಗಳಲ್ಲಿ ನಟಿಸಿರುವ ನಟಿ ಸುಮನ್‌ ರಂಗನಾಥ್‌ ಸಪ್ತಪದಿ ತುಳಿದಿದ್ದಾರೆ.ಉದ್ಯಮಿ ಸಾಜನ್‌ ಎನ್ನುವವರನ್ನು ಸುಮನ್‌ ಮದುವೆಯಾಗಿದ್ದಾರೆ.

ಸುಮಾರು ಎಂಟು ತಿಂಗಳಿನಿಂದ ಇಬ್ಬರು ಪ್ರೀತಿಯಲ್ಲಿದ್ದು, ಈಗ ವಿವಾಹವಾಗಿದ್ದಾರೆ.
ಎರಡು ಕುಟುಂಬ ಸದಸ್ಯರು ಹಾಗೂ ಆಪ್ತರ ಉಪಸ್ಥಿತಿಯಲ್ಲಿ ಸರಳವಾಗಿ ಮದುವೆ ನಡೆದಿದೆ. ಅಂದ ಹಾಗೆ, ಸುಮನ್‌ ಈ ಹಿಂದೆ ನಿರ್ಮಾಪಕ ಬಂಟಿ ವಾಲಿಯಾ ಎನ್ನುವವರನ್ನು ವಿವಾಹವಾಗಿದ್ದು, 2007ರಲ್ಲಿ ಇಬ್ಬರೂ ವಿಚ್ಛೇದನ ಪಡೆದುಕೊಂಡಿದ್ದರು. ಈಗ ಸುಮನ್‌ ಸಾಜನ್‌ ಜೊತೆ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ.