ಎನರ್ಜಿ ಡ್ರಿಂಕ್ಸ್ ಕುಡಿದ ನಟಿಗೆ ಶೂಟಿಂಗ್ ನಲ್ಲೇ ಹೃದಯಾಘಾತ!

ಮುಂಬೈ: ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದ ಕಿರುತರೆ ನಟಿ, ಮಾಡೆಲ್ ಗೆಹನಾ ವಸಿಷ್ಠ ಅವರಿಗೆ ಹೃದಯಾಘಾತವಾಗಿದ್ದು, ಸದ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಗೆಹನಾ ವಸಿಷ್ಠ ಅವರು ನಿರಂತರವಾಗಿ ವೆಬ್ ಸಿರೀಸ್ ಒಂದರ ಚಿತ್ರೀಕರಣದಲ್ಲಿ ನಿರತರಾಗಿದ್ದರು. ಶೂಟಿಂಗ್ ವೇಳೆ ನಟಿ ಯಾವುದೇ ಪೌಷ್ಠಿಕಾಂಶಯುಕ್ತ ಆಹಾರ ಸೇವಿಸಿರಲಿಲ್ಲ. ಶೂಟಿಂಗ್ ವೇಳೆ ಬರೀ ಜ್ಯೂಸ್ ಮಾತ್ರ ಕುಡಿಯುತ್ತಿದ್ದ ಗೆಹನಾ ಶೂಟಿಂಗ್ ವೇಳೆಯಲ್ಲೇ ಕುಸಿದು ಬಿದ್ದಿದ್ದಾರೆ. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಔಷಧಿಗಳನ್ನು ಸೇವಿಸಿದ್ದ ಗೆಹನಾ ಯಾವುದೇ ಪೌಷ್ಠಿಕಾಂಶಯುಕ್ತ ಆಹಾರ ಸೇವಿಸದೆ ಎನರ್ಜಿ ಡ್ರಿಂಕ್ಸ್ ಮಾತ್ರ ಕುಡಿಯುತ್ತಿದ್ದರು ಎನ್ನಲಾಗಿದೆ.