Kidnap ಬಲೆಯಿಂದ ಸ್ವಲ್ಪದರಲ್ಲೇ ಪಾರಾದ ನಟ ಶಕ್ತಿ ಕಪೂರ್‌!

ಮೀರತ್‌: ಬಾಲಿವುಡ್‌ನ‌ ಖ್ಯಾತ ನಟ ಶಕ್ತಿ ಕಪೂರ್‌ ಅಪಹರಣದ ಬಲೆಯಿಂದ ಸ್ವಲ್ಪದರಲ್ಲೇ ಪಾರಾಗಿ ದ್ದಾರೆ. ಇನ್ನೊಬ್ಬ ನಟ ಮುಷ್ತಾಕ್‌ ಖಾನ್‌ ಅಪಹರಣ ಕಾರರ ಬಂಧನ ಬೆನ್ನಲ್ಲೇ ಈ ವಿಚಾರ ಬಹಿರಂಗ ಗೊಂಡಿದೆ.

ಕಾರ್ಯಕ್ರಮಕ್ಕೊಂದಕ್ಕೆ 25,000 ರೂ. ಮುಂಗಡ ಹಾಗೂ ವಿಮಾನದ ಟಿಕೆಟ್‌ ಕಳಿಸಿ ಖಾನ್‌ರನ್ನು ನ.20ಕ್ಕೆ ಉತ್ತರಪ್ರದೇಶಕ್ಕೆ ಆಹ್ವಾನಿಸಲಾಗಿತ್ತು. ಅಲ್ಲಿ ಇಳಿದ ಅನಂತರ ಮುಷ್ತಾಕ್‌ರನ್ನು ಅಪಹರಿಸಿ ಹಣ ವಸೂಲಿ ಮಾಡಲಾಯಿತು. ಈ ಪ್ರಕರಣದಲ್ಲಿ ನಾಲ್ವರ ಬಂಧನವಾಗಿದೆ. ಈ ವೇಳೆ ಶಕ್ತಿ ಕಪೂರ್‌ ಇದೇ ಗುಂಪಿನಿಂದ ಪಾರಾಗಿದ್ದಾರೆ ಎಂದು ಗೊತ್ತಾಗಿದೆ. ಕಪೂರ್‌ಗೂ ಕಾರ್ಯಕ್ರಮವೊಂದಕ್ಕೆ ಕರೆದು 5 ಲಕ್ಷ ರೂ. ನೀಡುವುದಾಗಿ ತಿಳಿಸಲಾಗಿತ್ತು. ಆದರೆ ಮುಂಗಡ ಮೊತ್ತ ಜಾಸ್ತಿ ಕೇಳಿದ್ದಕ್ಕೆ ವ್ಯವಹಾರ ಕುದುರಿರಲಿಲ್ಲ. ಹೀಗಾಗಿ ಅವರು ಬಚಾವಾಗಿದ್ದಾರೆ.