Advertisement

“ಯಶ್‌ ಅವರೊಂದಿಗೆ ಸಿನಿಮಾ ಮಾಡುವ ಪ್ಲ್ಯಾನ್‌ ಯಿದೆ..” ಖ್ಯಾತ ನಟ ಕೊಟ್ರು ದೊಡ್ಡ ಸುಳಿವು?

12:48 PM Sep 25, 2022 | Team Udayavani |

ಬೆಂಗಳೂರು: ರಾಕಿಂಗ್‌ ಸ್ಟಾರ್‌ ಯಶ್‌ ಮುಂದಿನ ಸಿನಿಮಾ ಯಾವುದು ಮತ್ತು ಯಾರೊಂದಿಗೆ ಎಂಬುದು ಈಗಲೂ ರಿವೀಲ್‌ ಆಗಿಲ್ಲ. ಈ ಬಗ್ಗೆ ಯಶ್‌ ಬಗ್ಗೆ ಕೇಳಿದರೆ ಅವಸರ ಏನೂ ಇಲ್ಲ ಎಂದು ಹೇಳಿ ಪಾರಾಗುತ್ತಾರೆ. ಆದರೆ ಅಭಿಮಾನಿಗಳಿಗೆ ಯಶ್‌ ಮುಂದಿನ ಸಿನಿಮಾದ ಬಗ್ಗೆ ಕುತೂಹಲ ದಿನ ಕಳೆದಂತೆ ಹೆಚ್ಚಾಗುತ್ತಿದೆ.

Advertisement

ʼಕೆಜಿಎಫ್‌ʼ ಸರಣಿ ಬಳಿಕ ಯಶ್‌ ಗೆ ಅಭಿಮಾನಿಗಳು “ವಿದೇಶ ತುಂಬಾ ಹೇ” ಎನ್ನುವಂತೆ ಇದ್ದಾರೆ. ಅಭಿಮಾನಿಗಳು ರಾಕಿ ಭಾಯ್‌ ಸಿನಿಮಾ ಯಾವುದು ಎನ್ನುವುದರ ಬಗ್ಗೆ ಅಂತೆ – ಕಂತೆಯ ಮಾತುಗಳನ್ನಾಡುತ್ತಿದ್ದಾರೆ. ಈ ಮಾತಿಗೆ ಈಗ ಮತ್ತೊಬ್ಬ ಖ್ಯಾತ ನಟ ಪುಷ್ಟಿ ನೀಡಿದ್ದಾರೆ.

ಮಲಯಾಳಂನ ಸ್ಟಾರ್‌ ನಟ ಪೃಥ್ವಿರಾಜ್‌ ಸುಕುಮಾರನ್‌ ಈಗಾಗಲೇ ಹೊಂಬಾಳೆ ಫಿಲ್ಮ್ಸ್‌ ನೊಂದಿಗೆ ಕೈ ಜೋಡಿಸಿದ್ದಾರೆ. ಅವರು ʼಟೈಸನ್‌ʼ ಎಂಬ ಸಿನಿಮಾವನ್ನು ಮಾಡುತ್ತಿದ್ದಾರೆ. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ರಿಲೀಸ್‌ ಆಗಲಿದೆ.

ಈಗ ಪೃಥ್ವಿರಾಜ್‌ ಯಶ್‌ ಬಗ್ಗೆ ಮಾತಾನಾಡಿದ್ದಾರೆ. ಹೊಂಬಾಳೆ ಫಿಲ್ಮ್ಸ್‌ ನೊಂದಿಗೆ ಬಹುಭಾಷೆಯ ಸಿನಿಮಾವನ್ನು ಮಾಡುವ ಪ್ಲ್ಯಾನ್ ಇದೆ. ಯಶ್‌ ಅವರ ಜೊತೆ ಸಿನಿಮಾ ಮಾಡುವ ಅವಕಾಶ ಬಂದಿದೆ.‌ ಎಲ್ಲಾ ಇಂಡಸ್ಟ್ರಿ ಅವರು ಒಟ್ಟಾಗಿ ಕೆಲಸ ಮಾಡುವ ಕಾಲ ಬಂದಿದೆ ಎಂದು ನಟ ಹೇಳಿದ್ದಾರೆ.

ಟ್ವಿಟರ್‌ ನಲ್ಲಿ ಈ ವಿಡಿಯೋ ಸದ್ದು ಮಾಡುತ್ತಿದ್ದು, ರಾಕಿಭಾಯ್‌ ಅಭಿಮಾನಿಗಳು ಈ ವಿಡಿಯೋ ಹಂಚಿಕೊಂಡು ಇದು ಯಶ್‌ ಬಾಸ್‌ ಅವರ 19ನೇ ಚಿತ್ರವಾಗಿರಬಹುದೆನ್ನುವ ಚರ್ಚೆಯನ್ನು ಹುಟ್ಟು ಹಾಕಿದ್ದಾರೆ.

Advertisement

ಆದರೆ ಇದುವರೆಗೆ ಪೃಥ್ವಿರಾಜ್‌ ಇದನ್ನು ಯಾವಾಗ ಮಾತಾನಾಡಿದ್ದಾರೆ ಎನ್ನುವುದು ಮಾತ್ರ ತಿಳಿದಿಲ್ಲ. ಮೇಲ್ನೋಟಕ್ಕೆ ಸಂದರ್ಶನವೊಂದರ ಕ್ಲಿಪ್‌ ಎನ್ನುವುದು ತಿಳಿಯುತ್ತದೆ.

ನರ್ತನ್‌ ಅವರೊಂದಿಗೆ ಯಶ್‌ ತಮ್ಮ 19ನೇ ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿಯೊಂದು ಹಬ್ಬಿತ್ತು. ಆದರೆ ಅದು ತಡವಾಗುತ್ತದೆ ಎನ್ನಲಾಗಿದೆ. ಯಶ್‌ ಅವರ ಮುಂದಿನ ಸಿನಿಮಾ ಯಾವುದು ಎನ್ನುವುದು ಇನ್ನು ಕೂಡ ಅಧಿಕೃತವಾಗಿ ಘೋಷಣೆ ಆಗಿಲ್ಲ.

 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next