ಅಂಕೋಲಾ: ಲಾರಿ ಮತ್ತು ಓಮಿನಿ ನಡುವೆ ನಡೆದ ಭೀಕರ ಅಪಘಾತದಲ್ಲಿ ಮಹಿಳೆಯೊಬ್ಬರು ಸ್ಥಳದಲ್ಲೇ ಮೃತಪಟ್ಟ ಘಟನೆ ತಾಲೂಕಿನ ಹೊನ್ನಳ್ಳಿ ರಾ.ಹೆ 63 ರಲ್ಲಿ ರವಿವಾರ ( ಜೂ.19) ರಂದು ನಡೆದಿದೆ.
ಅಪಘಾತದಲ್ಲಿ ಯಲ್ಲಾಪುರದ ಪ್ರತಿಷ್ಠಿತ ಹೊಟೇಲ್ ಮಾಲಕರ ಪತ್ನಿ ಸಹನಾ ಮಂಜುನಾಥ ಶಾನಭಾಗ (40) ಎಂಬುವರು ಮೃತಪಟ್ಟಿದ್ದಾರೆ.
ಘಟನೆಯಲ್ಲಿ ಸ್ನೇಹಾ,(21) ಪ್ರೇಕ್ಷಾ (19) ಅನೀತಾ ಆನಂದು ಶಾನಭಾಗ (45 ) ಅಚ್ಯುತ ನಾಗೇಶ ಶಾನಭಾಗ ( 53) ಗಾಯಗೊಂಡಿದ್ದಾರೆ.
ಇದನ್ನೂ ಓದಿ: ಆಲೂರು: ಕ್ಯಾಂಟರ್ – ಕಾರು ಢಿಕ್ಕಿ; ಧರ್ಮಸ್ಥಳಕ್ಕೆ ಹೂರಟಿದ್ದ ತಂದೆ,ಮಗ ದಾರುಣ ಸಾವು
ಮದುವೆ ಸಮಾರಂಭಕ್ಕೆ ಯಲ್ಲಾಪುರದಿಂದ ಅಂಕೋಲಾಗೆ ಬರುವಾಗ ಲಾರಿ ಚಾಲಕನ ಅಜಾಗರೂಕತೆ ಚಾಲನೆಯಿಂದ ಈ ಅಪಘಾತ ಸಂಭವಿಸಿದೆ.
ಘಟನಾ ಸ್ಥಳಕ್ಕೆ ಅಂಕೋಲಾ ಪಿ.ಎಸ್.ಐ ಮಹಾಂತೇಶ ಮತ್ತು ಸಿಬ್ಬಂದಿ ಭೇಟಿ ನೀಡಿ ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಿ, ತನಿಖೆ ಕೈಗೊಂಡಿದ್ದಾರೆ.